საქართველომ საფრანგეთს დაგეგმილი გამარჯვება არ გაატანა

თარიღი: სექტემბერი 7, 2013

2014 წლის მსოფლიოს ჩემპიონატის შესარჩევი ციკლის I ჯგუფის მატჩში საქართველომ “დინამო არენაზე” საფრანგეთის ნაკრებს უმასპინძლა. შეხვედრა დაძაბული გამოდგა და ის უგოლო ფრით დასრულდა, 0-0.

მატჩი დაბალ ტემპში, ფრანგების უპირატესობით დაიწყო. იმთავითვე აშკარა იყო, რომ ქართველები ფონს გასვლას კონტრშეტევებით ეცდებოდნენ, თუმცა საწყის წუთებში ფრანგები შეტევაზე მწვავედ არ გადმოდიოდნენ და არც სწრაფ გოლზე ჰქონიათ აქცენტი გაკეთებული. პირველი სახიფათო ეპიზოდი უეფას მიერ საუკეთესო ფეხბურთელად დასახელებულმა ფრანკ რიბერიმ შექმნა, როცა რამოდენიმე მეტოქეს გვერდი აუარა და საქმე კარში დარტყმამდეც მიიყვანა, მაგრამ მიზანმა უმტყუნა. პირველ ნახევარში სახიფათო მომენტების დეფიციტი იყო, თუმცა მეორე ტაიმში, ამ მხრივ, სიტუაცია გამოსწორდა და გუნდებმა ერთმანეთს შედარებით მაღალი ტემპი შესთავაზეს. ქეცბაიამ შესვენების შემდეგ კობახიძეს, ანანიძესა და ოქრიაშვილს პოზიციები შეუცვალა, რამაც მეტოქე ერთი ორად დააბნია. საქართველოს ნაკრები ფრანგთა ნახევარზე უფრო ორგანიზებულად და დამაჯერებლად მოქმედებდა. 50-ე წუთზე დაწინაურებაც შეგვეძლო: შეტევის მარჯვენა ფლანგზე ოქრიაშვილმა ბურთი მკერდით გელაშვილს დაუგდო, თვითონ კი საჯარიმოს მიუახლოვდა, თავის მხრივ, “ყარაბაღის” ფორვარდმა ბურთთან კობახიძე დატოვა, რომელმაც საჯარიმოში შეაღწია, ბურთი ოქრიაშვილს გადააწოდა, ამ უკანასკნელმა ერთი შეხებით დაარტყა, ბურთი ლორისმა მოიგერია, დამატებაზე თორნიკემ ორ ფრანგ მცველს დაასწრო და კვლავაც დაარტყა, თუმცა ბურთი ამჯერად ძელს მოხვდა. ამ მომენტმა ფრანგებზე ფსიქოლოგიურად ცუდად იმოქმედა. მათ თამაშში არაერთხელ ტექნიკურმა წუნმაც იჩინა თავი. ქართველები შეტევაზე გადასვლას კვლავ კონტრშეტევებით ცდილობდნენ, თუმცა ზოგჯერ ძალა არ ჰყოფნიდათ, ზოგჯერ კი მარტო მყოფ ფეხბურთელს პარტნიორები ვერ ეხმარებოდნენ. თუმცა ქეცბაიას ამ ტაქტიკამ ნელ-ნელა უფრო გაამართლა, რადგან საფრანგეთს გოლის გასატანად დიდი ძალებით უხდებოდა შეტევაზე გადასვლა, დაცვა კი, შესაბამისად, უსუსტდებოდათ. 68-ე წუთზე ევრამ შეტევის მარცხენა ფლანგიდან ჟინიაკის მისამართით მოახერხა ჩაწოდება, თუმცა გრიგალავამ საქმე დარტყმამდე არ მიიყვანა. არ შეიძლება, არ აღინიშნოს ქართველთა კაპიტნის, ჯაბა კანკავას საუცხოო თამაში მთელი მატჩის განმავლობაში, რომელიც კონკრეტულ სიტუაციებში სწრაფად და სწორად მოქმედებდა. ფრანგები შეტევებს კიდევ უფრო ამწვავებდნენ და 84-ე წუთზე მათ მიერ კარგად გათამაშებული კომბინაცია ფრანკ რიბერის უძლიერესი დარტყმით დასრულდა, რომელიც გიორგი ლორიამ მოიგერია. 91-ე წუთზე მოედნის ცენტრში ელგუჯა გრიგალაშვილის შეცდომას ჩვენი კარის მიმართულებით მწვავე შეტევა მოჰყვა: ვალბუენამ ბურთი მარტოდ მყოფ ჟირუს ჩაუწოდა, რომელმაც თავით დაარტყა, მაგრამ ლორიამ სასწაულებრივი რეაქცია გამოავლინა და ბურთი კუთხურზე გადააგდო. კუთხურის გათამაშების შემდეგ, რიბერის ჩაწოდებულს თავით სანია გამოეხმაურა, რომლის არანაკლებ სახიფათო დარტყმა კვლავაც ლორიამ მოიგერია. ბოლო წუთები საქართველოს ნაკრებმა შეტევაში გაატარა, თუმცა უშედეგოდ. მატჩის თურქ არბიტრს, ფირათ აიდინუსის კი ისღა დარჩენოდა, რომ შეხვედრა დაესრულებინა, 0-0.

ამგვარად, საქართველოს საფრანგეთს სერიოზული წინააღმდეგობა გაუწია და რაც მთავარია, ფრანგებს გეგმები აურია. მართალია, საქართველოს ნაკრები ჯგუფში კვლავაც მეოთხე ადგილს იკავებს, თუმცა უშუალო მეტოქე ფინეთთან სხვაობას ერთ ქულამდე ამცირებს. სამშაბათს, 21:00 საათზე კი “დინამო არენაზე” მის დამარცხებას შეეცდება.

მსოფლიო ჩემპიონატის შესარჩევი ციკლი
საქართველო 0-0 საფრანგეთი
I ჯგუფი

საქართველო: ლორია, ლობჟანიძე, გრიგალავა, კაშია, ამისულაშვილი, ხუბუტია, კანკავა, კობახიძე (გრიგალაშვილი 60′), გელაშვილი (დვალიშვილი 79′), ანანიძე (თარგამაძე 69′), ოქრიაშვილი.
მთავარი მწვრთნელი: თემურ ქეცბაია.

საფრანგეთი: ლორისი, სანია, კოსიელნი, აბიდალი, ევრა, გილავოგი (ნასრი 78′), სისოკო, რიბერი, ვალბუენა, ჟირუ, ბენზემა (ჟინიაკი 62′).
მთავარი მწვრთნელი: დიდიე დეშამი.

გაფრთხილებები: ოქრიაშვილი 37′, ლორია 87′.
მთავარი მსაჯი: ფირათ აიდინუსი (თურქეთი).

მსგავსი სიახლეები
ფეხბურთი

მიულერი: “ოქროს ბურთი ლევანდოვსკიმ უნდა მოიგოს, წერტილი”

ოქროს ბურთის 2021 წლის პრიზიორის გამოვლენამდე სულ ცოტაა დარჩენილი. მიუნხენის “ბაიერნის” ნახევარმცველმა, ტომას მიულერმა, პრესასთან [&hellip...
წაკითხვა
ფეხბურთი

“ბელენენსეში” მოედანზე ცხრა ფეხბურთელით გამოვიდა, მათგან ორი მეკარეა

ამ წუთებში მიმდინარეობს შეხვედრა პორტუგალიის ჩემპიონატის ერთ-ერთ ფავორიტ “ბენფიკასა” და აუტსაიდერ “ბელენენსეშს” შორის. როგორც ...
წაკითხვა
ფეხბურთი

“პსჟ” ვინისიუსს წელიწადში 17 მილიონს სთავაზობს

მადრიდის “რეალი” უკვე წლებია, რაც კილიან მბაპეს ტრანსფერით ინტერესდება. საპასუხოდ “პარი სენ-ჟერემნის” ხელმძღვანელებმა ვინისიუს...
წაკითხვა
ფეხბურთი

“ბაიერნმა” ბუნდესლიგაში გოლების რეკორდი დაამყარა

მიუნხენის “ბაიერნმა” საშინაო არენაზე “არმინიასთან” დაძაბულ შეხვედრაში შეძლო გამარჯვების მოპოვება. მატჩში ერთადერთი გოლი ლეროი ...
წაკითხვა
ფეხბურთი

ალეგრი: “ხალხი ტურნირის ფავორიტად მიგვიჩნევდა, ჩვენ ოთხეულისთვის ვიბრძვით”

ტურინის “იუვენტუსმა” იტალიის ელიტარული ლიგის მე-14 ტურში მტკივნეული მარცხი განიცადა ბერგამოს “ატალანტასთან”. მასიმილიანო ალეგრ...
წაკითხვა
ფეხბურთი

“ვოლფსბურგის” ფანის პასუხი ერლინგ ჰოლანდს (ვიდეო)

ერლინგ ჰოლანდი მოედანს ჩვეულ სტილში დაუბრუნდა. მართალია, რომ ნორვეგიელ ფეხბურთელს 2022 წლამდე არ ელოდნენ მოედანზე, […]...
წაკითხვა
ფეხბურთი

ჟორჟ მიქაუტაძე Inarrêtable! (ვიდეო)

საქართველოს ნაკრების თავდამსხმელი ჟორჟ მიქაუტაზე ბელგიის ჩემპიონატში მორიგ გოლს იტანს. ამჯერად, მიქაუტაძემ “სტ.ტრუიდენს” შეუგდო....
წაკითხვა
ფეხბურთი

ედინ ჯეკომ ხორვატიის მოქალაქეობა მიიღო

მილანის “ინტერისა” და ბოსნიისა და ჰერცეგოვინის ეროვნული ნაკრების თავდამსხმელმა ედინ ჯეკომ ხორვატიის მოქალაქეობა მიიღო. 35 […]...
წაკითხვა
ფეხბურთი

რა ეტაპზეა ჯანო ანანიძე?

2021 წლის 14 მაისს ჯანო ანანიძემ თბილისის “დინამოს” მაისურით ეროვნულ ლიგაში პირველი მატჩი “დინამო ბათუმთან” […]...
წაკითხვა
ფეხბურთი

ჩავი: “ვილიარეალთან” რთული მატჩი გველის, მათ პატარა მოედანი აქვთ”

27 ნოემბერს, ლა ლიგის მე-15 ტურში კატალონიის “ბარსელონა” სტუმრად “ვილიარეალს” დაუპირისპირდება. მატჩამდე ერთი დღით ადრე, [&hell...
წაკითხვა
ფეხბურთი

7 ქართველი ფეხბურთელი, რომლებიც ევროპაში წასასვლელად მზად არიან

ეროვნული ლიგა დასასრულს უახლოვდება და თუ რაიმე რადიკალურად არ შეიცვალა, გამარჯვებული ბათუმის “დინამო” გახდება. მე-2 […]...
წაკითხვა
ფეხბურთი

იტალიის ფეხბურთის ფედერაცია სამი ბრაზილიელის ნატურალიზაციაზე მუშაობს

იტალიის ფეხბურთის ფედერაცია მსოფლიოს 2022 წლის ჩემპიონატის საკვალიფიკაციო ეტაპის საპლეიოფო მატჩებამდე სამი უცხოელი ფეხბურთელის ნატურალიზაციას [&hellip...
წაკითხვა
ფეხბურთი

ოლივერ კანი: “ლევანდოვსკიზე მეტად “ოქროს ბურთს” არავინ იმსახურებს”

მიუნხენის “ბაიერნის” გენერალური დირექტორი ოლივერ კანი თვლის, რომ წელს “ოქროს ბურთს” ყველაზე მეტად ბავარიული გუნდის […]...
წაკითხვა