საქართველომ უეფას სანაკრებო რეიტინგში წინ წაიწია

გამოქვეყნდა უეფას ეროვნულ ნაკრებთა რეიტინგი. საქართველოს ნაკრებმა 3 პოზიციით წინ წაიწია და ახლა 54 გუნდს შორის 42-ე ადგილი უკავია. შეგახსენებთ, რომ კახა ცხადაძის გუნდმა სექტემბერში შინ შოტლანდიის ნაკრები დაამარცხა (1:0), გასვლაზე კი ირლანდიასთან წააგო (0:1).

ეროვნულ ნაკრებთა კოეფიციენტები გამოითვლება ბოლოს ჩატარებული მატჩების შედეგებიდან გამომდინარე. დღევანდელი რეიტინგის 20 პროცენტი ფორმირდება ევრო-2012-ის შედეგების საფუძველზე (საკვალიფიკაციო/ფინალური ტურნირი), 40 პროცენტი 2014 წლის მსოფლიოს ჩემპიონატის შედეგებიდან გამომდინარე (საკვალიფიკაციო/ფინალური ტურნირი), დარჩენილი 40 პროცენტი კი ევრო-2016-ის შედეგების საფუძველზე (საკვალიფიკაციო).

რეიტინგის პირველი სამეული უცვლელია: 1. გერმანია; 2. ესპანეთი; 3. ინგლისი.

იხილეთ უეფას ეროვნულ ნაკრებთა სრული რეიტინგი