საქართველოს ნაკრები ჩემპიონია!

თარიღი: ივნისი 17, 2019

ხელბურთის ეროვნულმა ნაკრებმა IHF ერთა ჩემპიონატის ფინალში 31-21 დაამარცხა კუბა და ტურნირის გამარჯვებული შვიდიდან შვიდი მოგებით გახდა, ამასთან ერთად კი ევროპის 2022 წლის ჩემპიონატის მეორე შესარჩევი ეტაპის, პლეიოფის საგზური მოიპოვა.

16 ივნისი, თბილისის სპორტის სასახლე. 2000 მაყურებელი

საქართველო – კუბა 31-21

საქ: თევზაძე 18/36, ცინცაძე 1/3 – ცხოვრებაძე 11/8, რუსტამოვი 7/6, არსენაშვილი 7/6, ჩიქოვანი 4/3 (7 პასი), დიხამინჯია 3/3, გოგოლაძე 2/2, კბილაშვილი 3/1, ორჯონიკიძე 2/1, კალანდაძე 1/1, მიქავა, მერკვილაძე, იმნაძე – მწვ. მაქსიმოვიჩი, ორჯონიკიძე

კუბ: სუარესი 6/36, მარტინესი 0/1 – ტოლედანო 5, ტაბოადა 5, როდრიგესი 4, გარსია 3, ხესუსი 2, ლაფორტანი 1, ვალიენტე 1, კორდიესი, ალმეიდა, ფაუსტო, ბასულტო

მსაჯები: ბირო, კიში(უნგ)

სამდივნო: ნაჩევსკი (ნორ) – რაიზინგერი (ავს), ფულეოვა (ტუნ) – იაშვილი, წივწივაძე (საქ)

თამაში იმით დაიწყო, რომ კუბელებმა პერსონალურად, მოედნის ცენტრში აიყვანეს ირაკლი ჩიქოვანი. ჩვენი მწვრთნელების პასუხი მომენტალური იყო – მათ მოხსნეს ხაზის მოთამაშსე, არსენაშვილი და გამთამაშებლად დაამატეს კბილაშვილი. ამგვარად, ჩვენი შეტევისას თამაში ხუთი-ხუთზე მიდიოდა, რის შემდეგაც კუბელთა დაცვის ფრთები მოშიშვლებული იყო. ამით ისარგებლეს გოგოლაძემ (2 გოლი) და რუსტამოვმა, რომელმაც 4 დარტყმიდან 3 გოლი გაუტანა კუბელთა მეკარე სუარესს. აქედან ყველაზე მნიშვნელოვანი იყო მესამე – ჩვენმა მარცხენა გარემარბმა ინდივიდუალურად მოატყუა მეორვე, მეკარეს ბურთი დაუბზრიალა და სამი ბურთით დავწინაურდით – 9-6.

ჩვენი გუნდი დაცვაში კარგად იდგა და შოთა თევზაძეს თამაშს უადვილებდა, მაგრამ ზუსტად აქ კრიზისი დაგვეწყო და კუბამ ზედიზედ ოთხჯერ გაგვიტანა – 9-10. თამაში თავი თავზე აიღო გიორგი ცხოვრებაძემ – მან ორი ინდივიდუალური გარღვევით დაგვაწინაურა, შემდეგ კი ძალიან კარგად შემოვიდა გიორგი „არველოდი“ დიხამინჯია – გოლი, მოპოვებული ორწუთიანი და შვიდმეტრიანი.

პირველ ტაიმში ბოლო სიტყვა ჩიქოვანმა თქვა – ის შეტევაში მხოლოდ რიცხვობრივი მეტობის ან სწრაფი გადატანის დროს მონაწილეობდა, ერთი გოლი თავად გატანა, ბოლო წამებზე კი კბილაშვილს გაატანინა 6 მეტრიდან – 14-10.

მეორე ნახევარი ჩიქოვანმა მარცხენა ინსაიდად დაიწყო, მის მეურვეობაზე კუბელებმა უარი თქვეს, მაქსიმოვიჩი დროდადრო თამამად ენდობოდა 17 წლის კალანდაძესაც, ორჯონიკიძეს კი ძირითადად დაცვაში უწევდა თამაში. დიხამინჯიამ, არსენაშვილმა და ჩიქოვანმა სხვაობა გაზარდეს, 17-11, თევზაძემ ორი შვიდმეტრიანი მოიგერია, რუსტამოვმა ზედიზედ ორჯერ გაიტანა, ცხოვრებაძემ კი ორჯერ გააძევებინა მეტოქე – 19-12.

მაგრამ, ორჯერ წავიდა ორწუთიანში დიხამინჯია, კუბამ სხვაობა შეამცირა და მეტსაც იზამდა, ორჯერ ცარიელ კარში რომ არ აეცილებინა, თევზაძეს კი პირისპირ გასული მეტოქისთვის არ ეჯობნა. 20-15 – ეს ანგარიში კარგახანს, 45-ე წუთამდე ენთო ტაბლოზე, სანამ ჩიქოვანმა სწრაფ გარღვევაში არ გაუშვა რუსტამოვი, შემდეგ კი ორჯერ ცხოვრებაძე გაიქცა – 23-16.

52-ე წუთზე კალანდაძემ მეორედ მიაწოდა საგოლე პასი არსენაშვილს – სხვაობა 8 ბურთი გახდა, 25-17. ამით ყველაფერი გაირკვა, საბოლოოდ 31-21, მატჩის საუკეთესო მოთამაშე კი 36 დარტყმიდან 18 მოგერიებით შოთა თევზაძე გახდა.

ტურნირის საუკეთესო მარცხენა ინსაიდი გახდა თეიმურზ ორჯონიკიძე, ხოლო გიორგი ცხოვრებაძემ ორი ინდივიდუალური ჯილდო მოიპოვა: საუკეთესო მარჯვენა შუამარბისა და ტურნირის საუკეთესო მოთამაშის.

ტურნირის ოლ-სტარი. GK მაგნოლ სუარესი, კუბა – LW ჰუან პეიძი, ჩინეთი LB თეიმურაზ ორჯონიკიძე, საქართველო – CB კრისტიან ვასილევი, ბულგარეთი – RB გიორგი ცხოვრებაძე, საქართველო – RW სვეტლინ დიმიტროვი, ბულგარეთი – P ედუარდო ვალიენტე, კუბა – MVP გიორგი ცხოვრებაძე, საქართველო

ხელბურთი. IHF ერთა მსოფლიო ჩემპიონატი

8-16 ივნისი, 2019 – თბილისის სპორტის სასახლე

16 ივნისი, ფინალი

11-12 ირლანდია – მალტა 39-18

9-10 ინდოეთი – აზერბაიჯანი 46-28

7-8 ნიგერია – კოლუმბია 33-31

5-6 აშშ – ჩინეთი 35-27

3-4 ბულგარეთი – ბრიტანეთი 47-31

1-2 საქართველო – კუბა 31-21

საქართველოს ნაკრები

GK: 22. შოთა თევზაძე (1981, 200 სმ, ფოჩანი, რუმ), 12. ზურაბ ცინცაძე (1996, 185, იმედი-სტუ თელავი) – 16. გიგა ტორონჯაძე (1989, 190, BSB ბათუმი)

LW: 7. ხაზეინ რუსტამოვი (1998, 178, ქუთაისი), 2. ჯემალ იმნაძე (2001, 184, ქუთაისი)

LB: 8. ირაკლი ჩიქოვანი (1989, 198, კონსტანცა, რუმ) 14. თეიმურაზ ორჯონიკიძე (1996, 198, ფერენცვაროში, უნგ) – 17. დავით ყორიაული (1998, 199, იმედი-სტუ თელავი)

CB: 10. ირაკლი კბილაშვილი (1998, 188, ოდესა, უკრ), 5. ნიკოლოზ კალანდაძე (2002, 197, პეგასი)

RB: 11. გიორგი ცხოვრებაძე (2001, 193, მონპელიე, საფ) 31. გიორგი დიხამინჯია (1997, 189, სტრუგა, მკდ)

RW: 24. ირაკლი გოგოლაძე (1996, 177, BSB ბათუმი), 19. გიორგი მერკვილაძე (1998, 183, ქუთაისი) – 23. რევაზ ჭანტურია (1982, 177, სტრუგა, მკდ),
P : 20. ერეკლე არსენაშვილი (1998, 2000), 9. გიორგი მიქავა (1998, 196, იმედი-სტუ თელავი)

მთავარი მწვრთნელი: ნიკოლა მაქსიმოვიჩი (1978, სერბეთი), მწვრთნელი: ბექა ორჯონიკიძე (1972) ექიმი ჯუმბერ ყარყარაშვილი (1990)

მსგავსი სიახლეები
სხვადასხვა

რომან დოლიძე: “ეს ყველაფერი სამარცხვინოა, გულს მტკენს”

UFC-ის ქართველი მებრძოლი, რომან დოლიძე სოციალურ ქსელში ვიდეომიმართვას აქვეყნებს. 31 წლის სპორტსმენი რამდენიმე დღის წინ […]...
წაკითხვა
სხვადასხვა

ხაბიბ ნურმაგომედოვმა კონორ მაკგრეგორს დასცინა (ფოტო)

UFC-ის დაღესტნელმა მებრძოლა, ხაბიბ ნურმაგომედოვმა სოციალურ ქსელში კონორ მაკგრეგორს დასცინა. ხაბიბმა Twitter-ში ფოტო გამაოქვეყნა, რომელშიც […]...
წაკითხვა
სხვადასხვა

ისტორიული მიღწევა – მორის ყვითელაშვილმა ევროპის ჩემპიონატზე ბრინჯაოს მედალი მოიპოვა!

ავსტრიის ქალაქ გრაცში ფიგურულ ციგურაობაში ევროპის ჩემპიონატი მიმდინარეობს, სადაც 23 იანვარს მამაკაც ერთეულებს შორის მედლები […]...
წაკითხვა
სხვადასხვა

ხაბიბის გზავნილი მაკგრეგორს: “მეფე არასოდეს მიდის! უთხარით, რომ მოვდივარ!” (ვ

UFC-ის დაღესტნელმა მებრძოლმა ხაბიბ ნურმაგომედოვმა სოციალურ ქსელში ვიდეო გამოაქვეყნა. ხაბიბი ვარჯიშობს და მომდევნო შეხვედრისათვის ემზადება. […]...
წაკითხვა
სხვადასხვა

ტოჩინოშინი ტაკაეკიშოსთან დამარცხდა (ვიდეო)

ჰაცუ ბაშო, XII დღე ტაკაკეიშო – ტოჩინოშინი იხილეთ ვიდეო...
წაკითხვა
სხვადასხვა

ტოჩინოშინი ოკინოუმისთან დამარცხდა (ვიდეო)

ჰაცუ ბაშო, XI დღე ოკინოუმი – ტოჩინოშინი იხილეთ ვიდეო...
წაკითხვა
სხვადასხვა

ტოჩინოშინმა ასანოიამა დაამარცხა (ვიდეო)

ჰაცუ ბაშო, X დღე ასანოიამა – ტოჩინოშინი იხილეთ ვიდეო...
წაკითხვა
სხვადასხვა

ტოჩინოშინმა ტამავაში დაამარცხა (ვიდეო)

ჰაცუ ბაშო, IX დღე ტამავაში – ტოჩინოშინი იხილეთ ვიდეო...
წაკითხვა
სხვადასხვა

ლაშა ტალახაძემ გერმანელ ჟურნალისტს უპასუხა

რამდენიმე კვირის წინ ცნობილი გახდა დოკუმენტური ფილმის შესახებ, რომელიც დოპინგს ეხება. ამ ფილმში გერმანელმა ჟურნალისტმა […]...
წაკითხვა
სხვადასხვა

მაკგრეგორი: “მე უფრო რუსი ვარ, ვიდრე ხაბიბი! მე მიყვარს რუსეთი!”

UFC-ის ირლანდიელ მებრძოლს, კონორ მაკგრეგორს დონალდ სერონის წინააღმდეგ გამართული შეხვედრის შემდეგ შეკითხვა ხაბიბ ნურმაგომედოვთან შესაძლო […]...
წაკითხვა
სხვადასხვა

რა თანხა გამოიმუშავეს მაკგრეგორმა და სერონიმ ორთაბრძოლით?

19 იანვარს, ლას ვეგასმა UFC 246-ს უმასპინძლა. ღონისძიების მთავარი დაპირისპირება მაკგრეგორი-სერონის შეხვედრა იყო. ორთაბრძოლა 40 […]...
წაკითხვა
სხვადასხვა

მაკგრეგორის დასაფასებელი ჟესტი სერონის დამარცხების შემდეგ (ვიდეო)

დღეს, ლას ვეგასმა UFC 246-ს უმასპინძლა. ღონისძიება კონორ მაკგრეგორისა და დონალდ სერონის ორთაბრძოლით დასრულდა, რომელიც […]...
წაკითხვა
სხვადასხვა

მაკგრეგორი – სერონი (აწონვა)

ხვალ, ლას ვეგასში კონორ მაკგრეგორი დონალდ სერონს დაუპირისპირდება. UFC 246-ს ყველა ელის, რადგან სწორედ ამ […]...
წაკითხვა