საქართველოს ნაკრები ერთა ლიგის D დივიზიონის ნახევარფინალში გავიდა (ვიდეო)
საქართველოს ეროვნული ნაკრები აგრძელებს წაუგებელ სვლას ერთა ლიგაზე. საქართველო ლატვიას ესტუმრა და მეტოქე 0-3 გაანადგურა. მე-5 წუთზე ყაზაიშვილმა პენალტი ააცილა, მაგრამ ზუსტად 3 წუთში კაპიტანმა, ჯაბა კანკავამ მარცხენა ფეხით აუღებელი დაურტყა მეკარეს და ანგარიში გაიხსნა. პირველ ტაიმში და საერთოდ, სრულიად შეხვედრის განმავლობაში შეუჩერებელი იყო გიორგი ჩაკვეტაძე, რომელმაც 29-ე წუთზე შესანიშნავი მოძრაობით ვალერიან გვილია 1-1-ზე გაიყვანა და გვილიამაც გაიტანა, 2-0. მე-2 ნახევარში რამდენიმე მომენტი მასპინძლებსაც ჰქონდათ, თუმცა გამოყენება ვერ მოახერხეს და 61-ე წუთზე მათი განადგურება გიორგი ჩაკვეტაძემ დაასრულა.
საქართველომ D დივიზიონის პირველ ჯგუფში პირველი პოზიცია დაიკავა, 4 თამაშში 9 გოლი გაიტანა და არცერთი მიიღო. ნახევარფინალურ მატჩს გუნდი საქართველოში ჩაატარებს მოედნის უპირატესობის გამო.
საქართველო: ლორია – კაკაბაძე, კაშია, ხოჭოლავა, დვალი – კანკავა (აბურჯანია), გვილია, კვეკვესკირი, მერებაშვილი (ჯიღაური 80), ჩაკვეტაძე (ზარანდია 89) – ყაზაიშვილი
