საქართველოს ნაკრების შემადგენლობა აშშ-სთან შეხვედრაში

თარიღი: ნოემბერი 23, 2017

მილთონ ჰეიგმა 2017 წლის დასკვნითი მატჩისთვის ბორჯღალოსნების შემადგენლობა გამოაცხადა. წინა ორი ტესტისგან განსხვავებით სასტარტო თხუთმეტეულში ხუთი ცვლილებაა. მარქაფაში კიდევ სამი ისეთი მოთამაშეა, რომლებიც ამ შემოდგომაზე 23-კაციან განაცხადში პირველად მოხვდნენ.

თიბისი რაგბის სერიების მორიგ მატჩში ბორჯღალოსნები აშშ-ს (არწივებს) 25 ნოემბერს, ‘მიხეილ მესხზე’ დაუხვდებიან. თამაში 18 საათზე იწყება და ბილეთების შეძენა სტადიონის სალაროებში (11-იდან 19 საათამდე), ან ონლაინ TKT.GE/TBCRugbySereis-ზეა შესაძლებელი.

მესამე მეასე!

ბორჯღალოსნების 28-წლიან ისტორიაში, შაბათს საქართველოს მესამე ცენტურიონი ეყოლება! აღსანიშნავია, რომ 100-იან ზღვარს სამივე მორაგბემ წელს გადააბიჯა: 19 თებერვალს გერმანიასთან მერაბ კვირიკაშვილმა, 10 ივნისს კანადასთან დავით კაჭარავამ და 25 ნოემბერს მათ გიორგი ჩხაიძე შეუერთდება.

მოქმედ ბორჯღალოსნებს შორის უხუცესმა, 36 წლის „ბინგომ“ პირველი სანაკრებო კეპი 2002 წლის მარტში, ჰოლანდიასთან მოიხვეჭა. მას შემდეგ ის ნაკრების უცვლელად წევრად იქცა და განვლილ 99 ტესტში 10 ლელო (3 საჯარიმო) გაიტანა. მან ბორჯღალოსნების შემადგენლობაში ოთხივე მსოფლიო თასზე (2003, 2007, 2011 და 2015) ითამაშა და კარგი თამაშის გარდა, გუნდში სასიამოვნო აურის შექმნის უნარით გამოირჩეოდა.

„ბედნიერი ვარ, რადგან მეასედ დავდგები საქართველოს ჰიმნზე. სხვა მხრივ ეს თამაში წინამორბედებისგან არაფრითაა გამორჩეული. ჩვეულებრივად ვემზადები, გავალ მოედანზე და ბოლომდე დავიხარჯები“ – ასეთია მომავალი ცენტურიონის მოლოდინი.

ხუთი ცვლილება

ჰეიგმა წინა ორი მატჩის შემდეგ სასტარტო შემადგენლობაში ხუთი ცვლილება განახორციელა, თუმცა ამით ბორჯღალოსნების სიმძლავრე ოდნავადაც არ შემცირებულა.

შერკინების პირველი ხაზი უცვლელია – მიხეილ ნარიაშვილი, ჯაბა ბრეგვაძე და ლევან ჩილაჩავა. მეორე ხაზში კოტე მიქაუტაძეს ჩხაიძე შეუწყვილდება, გიორგი ნემსაძემ მარქაფაში გადაინაცვლა. „ბინგომ“ სასტარტოში ბოლოს 2016 წლის 24 ივნისს, კუნძულ სუვაზე ფიჯის წინააღმდეგ ითამაშა მაშინ ბორჯღალოსნებმა მასპინძლები14:3 დაამარცხა.

24 ივნისის შემდეგ პირველად იწყებს თამაშს მესამეხაზელი შალვა სუთიაშვილი. ის ოკეანეთის ტურნეზე გუნდის კაპიტანი იყო, შარშან ნოემბერში ორჯერ ითამაშა შეცვლაზე სამოასა და შოტლანდიის წინააღმდეგ და ნაკრებს 1-წლიანი შესვენების შემდეგ უბრუნდება. მესამე ხაზში თამაშს იწყებენ ვიტო კოლელიშვილი და ბექა ბიწაძე.

ფულბეკის პოზიციაზე სასტარტოში ბრუნდება მერაბ კვირიკაშვილი. ბორჯღალოსნების ისტორიაში საუკეთესო მექულე 108-ე კეპს მოიხვეჭს.

ერთი გარემარბი ახალგაზრდა მირიან მოდებაძეა, რომელიც ნაკრებში ზედიზედ მესამე თამაშს იწყებს. მეორე გარემარბი გიორგი კოშაძე, ან სოსო მათიაშვილი იქნება, რომელმაც განვლილ ორ მატჩში 15 ნომრად ითამაშა. მწვრთნელები გადაწყვეტილებას შაბათს, თამაშის დღეს მიიღებენ.

დაშავებულია მგეზავი ლაშა ხმალაძე და მის ნაცვლად ვასილ ლობჟანიძეს რევაზ ჯინჭველაშვილი შეუწყვილდება. მან სასტარტო 15-ში 2017 წლის რაგბი ევროპის ჩემპიონატზე რუსთავში, გერმანიის წინააღმდეგ ითამაშა, განვლილ ორ მატჩში კი შეცვლაზე შევიდა.

ბორჯღალოსანთა სასტარტო შემადგენლობაში პირველად ითამაშებს გიორგი კვესელაძე. მას სანაკრებო დებიუტი ორი კვირის წინ ‘დინამო არენაზე’ ჰქონდა. იმ დღეს კვესელაძეს 20 წელი შეუსრულდა და კანადის წინააღმდეგ შეცვლაზე შევიდა. გიორგი თამაშს 12 ნომრად იწყებს, ხოლო გუნდის კაპიტანი მერაბ შარიქაძე 13 ნომერზე დადგება.

მარქაფაში სამი სიახლით

მარქაფაში სამი ისეთი მოთამაშეა, რომელთაც ამ შემოდგომაზე ჯერ არ უთამაშიათ. ერთ-ერთი ბურჯი ზურაბ ჟვანიაა, რომელმაც გასულ უქმეებზე ‘სტად ფრანსეს’ შემადგენლობაში ტოპ 14-ში ლელო გაიტანა. მას ბორჯღალოსანთა კვართით მარტის შემდეგ (რუმინეთთან) არ უთამაშია.

კვაჭის პოზიციაზე თამაშში შალვა მამუკაშვილი ჩაერთვება, ხოლო მეორე ბურჯი სოსო ბეკოშვილია. მეორე ხაზში მოედანზე გიორგი ნემსაძე შევა, მესამე ხაზს კი ორი მორაგბე – ლაშა ლომიძე და გორგი თხილაიშვილი გააძლიერებენ.

მესამე კეპს მოიხვეჭს ახალგაზრდა გელა აფრასიძე, რომელიც 9 ნომრის თადარიგშია. მას დებიუტი წელს რაგბი ევროპის ჩემპიონატზე, გერმანიასთან ჰქონდა, თუმცა მალევე დაშავდა და შესაცვლელი შეიქმნა, დაახლოებით ერთ თვეში კი, ასევე შეცვლაზე რუსეთის წინააღმდეგ ითამაშა.

ივნისის ამერიკული ტურნეს შემდეგ თადარიგშია და 79-ე კეპს მოიხვეჭს უკანახაზელი ლაშა მალაღურაძე. აღსანიშნავია, რომ განაცხადში მყოფი 23 მოთამაშიდან 5-ს, კარში დარტყმა შეუძლია.

Rugby.GE

მსგავსი სიახლეები
რაგბი

მამუკა გორგოძე სერიოზულ ტრავმას გადაურჩა – ფიჯელი მორაგბის წითელი ბარათი (ვიდეო)

23 ნოემბერს, ჩელენჯ თასზე “ტულონმა” საკუთარ მოედანზე “სკარლეტსი” მიიღო და მეტოქე 17:16 დაამარცხა. შეხვედრის 42-ე […]...
წაკითხვა
რაგბი

კურიოზი: როცა ჩელენჯ თასზე ქართველი მსაჯი ქართველ მორაგბეს ხვდება (ვიდეო)

23 ნოემბერს, ჩელენჯ თასის მეორე ტურში “უოსპსმა” საკუთარ მოედანზე “აჟენი” მიიღო და მეტოქე 32:14 დაამარცხა. […]...
წაკითხვა
ფეხბურთი

ინგლისის სარაგბო ნაკრების მწვრთნელი “არსენალში” მუშაობაზე ფიქრობს

ინგლისის სარაგბო ნაკრების მთავარი მწვრთნელი, ედი ჯოუნსი, სპორტის სახეობის შეცვლაზე ფიქრობს. ესპანელი ტაქტიკოსი თავის თავს […]...
წაკითხვა
რაგბი

გოჩა სვანიძე: “პირდაპირ გეტყვით, მილტონ ჰეიგს შეეშინდა”

საქართველოს რაგბის კავშირის პრეზიდენტმა, გოჩა სვანიძემ 2019 წლის მსოფლიო თასი შეაფასა და მილტონ ჰეიგის შესახებ […]...
წაკითხვა
რაგბი

ქართული შერკინება აღარ მოსწონთ – რაგბის მსოფლიო თასის გვერდის ფოტო სოციალურ ქსელში

სექტემბერში, რაგბის მსოფლიო თასის ოფიციალურმა გვერდმა საქართველოს ნაკრების შერკინების მიმართ პატივისცემა სახალისო ფოტოთი გამოხატა, რომლის […]...
წაკითხვა
რაგბი

ზელანდიელთა ბოლო ჰაკა 2019 წლის მსოფლიო თასზე (ვიდეო)

2019 წლის რაგბის მსოფლიო თასის მესამე ადგილისათვის მატჩში ერთმანეთს ახალი ზელანდიისა და უელსის ნაკრებები უპირისპირდებიან. […]...
წაკითხვა
რაგბი

“ვინ არიან ეს ამდენი სულელი?” – ნიაზ მამრიკიშვილის მორიგი კურიოზი პირდაპ

27 ოქტომბერს, საქართველოს დიდი 10-ის მე-6 ტურის ცენტრალურ მატჩში “ბათუმმა” ქუთაისის “აიას” უმასპინძლა და ფრედ […]...
წაკითხვა
რაგბი

ინგლისელი მორაგბეები ზელანდიელთა ჰაკას დროს (ვიდეო)

2019 წლის რაგბის მსოფლიო თასის ნახევარფინალში ერთმანეთს ინგლისისა და ახალი ზელანდიის ნაკრებები უპირისპირდებიან. შეხვედრის დაწყების […]...
წაკითხვა
რაგბი

საქართველოს ნაკრები ქომაგებს იაპონურად დაემშვიდობა (ვიდეო)

11 დეკემბერს საქართველოს მორაგბეთა ნაკრებმა იაპონიაში მიმდინარე 2019 წლის მსოფლიო თასზე ბოლო მატჩი გამართა. “ბორჯღალოსნები” […]...
წაკითხვა
რაგბი

მერაბ შარიქაძის ემოციური სიტყვები მილტონ ჰეიგს (ვიდეო)

საქართველოს მორაგბეთა ნაკრების კაპიტანმა, მერაბ შარიქაძემ 2019 წლის მსოფლიო თასზე გამართული ბოლო შეხვედრის შემდეგ მილტონ […]...
წაკითხვა
რაგბი

მერაბ შარიქაძე: “იმედი მაქვს, მომდევნო მსოფლიო თასზე უკეთესად გამოვალთ”

საქართველოს მორაგბეთა ნაკრების კაპიტანმა, მერაბ შარიქაძემ 2019 წლის მსოფლიო ჩემპიონატზე გამართული ბოლო მატჩის შემდეგ კომენტარი […]...
წაკითხვა
რაგბი

სანდრო თოდუას ლელო ავსტრალიის ნაკრების წინააღმდეგ (ვიდეო)

იხილეთ ვიდეო Go Georgia 😂 wow….! #AUSvGEO #RugbyWorldCup pic.twitter.com/wr3p7ZspCx — -🇦🇺🇺🇸🇦🇺- (@Frolencewalters) October 11, 2019...
წაკითხვა
რაგბი

გელა აფრასიძის მძიმე დაზიანება ავსტრალიასთან მატჩში (ვიდეო)

მსოფლიო თასზე, საქართველოსა და ავსტრალიის მორაგბეთა ნაკრებებს შორის მიმდინარე მატჩის 51-ე წუთზე გელა აფრასიძემ მოედანზე […]...
წაკითხვა
რაგბი

მილტონ ჰეიგი: “ეს არის ერთ-ერთი ყველაზე გამოცდილი შემადგენლობა, რომლის დაყენებაც შეგ

11 ოქტომბერს ავსტრალიასთან შიზუოკაში გასამართი მატჩისთვის შემადგენლობის დასახელების შემდეგ, ბორჯრალოსნებმა ჯაბა ბრეგვაძემ, სოსო მათიაშვილმა და [&helli...
წაკითხვა
რაგბი

საქართველოს ნაკრების შემადგენლობა ავსტრალიის წინააღმდეგ

ბორჯღალოსნების სამწვრთნელო შტაბმა 2019 წლის მსოფლიო თასის დასკვნითი შეხვედრისთვის 23-კაციანი შემადგენლობა დაასახელა. ჩვენი გუნდი 11 […]...
წაკითხვა