საქართველოს ნაკრებმა ფინეთი დაამარცხა

თარიღი: აგვისტო 5, 2019

საქართველოს გოგონათა ნაკრებმა ევროპის 17-წლამდელთ ჩემპიონატის მეორე მატჩში 23-22 დაამარცხა ფინეთი და ხვალ, თბილისის სპორტის სასახლეში, 16 საათზე ლატვიას ეთამაშება.

ჩვენი გუნდის კაპიტანი, ნენო ჯგერენაია, ლიტვასთან მიღებული ტრავმის გამო ამ ტურნირზე სამწუხაროდ ვეღარ ითამაშებს – ის განაცხადში უკვე შეცვალა ქეთევან ცინცაძემ, ხოლო კაპიტნისა და გამთამაშებლის ადგილი სასტარტო შემადგენლობაში დაიკავა 15 წლის თამარ ბურკაძემ.

მატჩი ფინეთის უპირატესობით დაიწყო – 5-2, მაგრამ, ბურკაძემ ნელ-ნელა დაალაგა თამაში, ზედიზედ ორი გოლი გაიტანა ანა ჩხაიძემ, ხოლო 14 წლის ნინო საბაშვილმა მალე წინაც გაგვიყვანა – 6-5. ამის შემდეგ კარგად ითამაშა მარჯვენა გარემარბმა ნინო გაგნიძემ, რომელიც პირველ ტაიმში 4 გატანილი გოლით საუკეთესო იყო. ტაიმი 9-7 მოვიგეთ.

შესვენენბის შემდეგ გადამწყვეტი სიტყვა თქვა ლიზა ჩხაიძემ, რომელმაც თავისი 8 გოლიდან 7 მეორე ტაიმში გაიტანა. მისი და მეკარე ხატია ჯიქურაშვილის (10 მოგერიება) წყალობით საქართველოს ნაკრები 6 ბურთით დაწინაურდა – 18-12.

მაგრამ, ფინელებს ნელ-ნელა წაუვიდათ შორიდან დარტყმები და სხვაობის შემცირება დაიწყეს. დასრულებამდე 10 წუთით ადრე ანგარიში 19-16 იყო, 55-ე წუთზე კი სხვაობა მინიმალური გახდა, 20-19. ლიზა ჩხაიძემ ორჯერ გაზარდა სხვაობა ორამდე, ხოლო გადამწყვეტი ბურთი, სირენამდე სამწუთნახევრით ადრე კი გაიტანა ლანა გოგიამ – 23-20.

დარჩენილ დროში ფინეთმა აქტიურ დაცვას მიმართა, ორი გოლის გატანაც მოასწრო, მაგრამ ანგარიშის გასათანაბრებელი შანსი აღარ მისცემია. საქართველომ 23-22 მოიგო და ნახევარფინალში გასვლის შანსს ჯერაც ინარჩუნებს.

ლიზა ჩხაიძე, მატჩის საუკეთესო მოთამაშე: – პირველი ტაიმი ძაიან მძიმე იყო. დასაწყისში ვაგებდით, მაგრამ მაყურებლის მხარდაჭერით ჩვენმა გუნდმა გააუმჯობესა თამაში და გაიმარჯვა. ჩვენი მომავალი მიზანი იქნება ბრძოლა ყველას წინააღმდეგ და რაც შეიძლება უკეთესი ადგილის დაკავება ამ ტურნირზე.

ჩვენი ჯგუფის მეორე მატჩში ლიტვამ 28-18 დაამარცხა ლატვია. A ჯგუფში მეორე თამაში მოიგო სერბეთმა, რომელმაც დაამარცხა საბერძნეთი, 24-13, ფარერის კუნძულებმა 37-20 მოუგო ბულგარეთს. ხვალ ჯგუფური ეტაპის მესამე დღეა. საქართველოს ნაკრები 16 საათზე ლატვიას ეთამაშება. სპორტის სასახლეში შესვლა თავისუფალია. ყველა თამაშის პირდაპირი რეპორტაჟის ნახვა კი რამდენიმე პლატფორმითაა შესაძლებელი:

https://www.facebook.com/GEONHF/

https://www.youtube.com/user/handballgoergia

https://www.ehftv.com/int/

ხელბურთი. ევროპის ჩემპიონატი 2019, ქალები 17 წ.

თბილისის სპორტის სასახლე, 4 აგვისტო

საქართველო – ფინეთი 23-22

საქ: ჯიქურაშვილი, ქარჩავა, კოპალეიშვილი – ე. ჩხაიძე 8, გაგნიძე 6, დვალიშვილი 3, ა. ჩხაიძე 2, ბურკაძე 2, საბაშვილი 1, გოგია 1, კორძაია, მ. ცინცაძე, სურამლიშვილი, ქ. ცინცაძე, ქამაშიძე, კომახიძე,

ფინ: შოლუნდი, ბრუნკრონა – კარეი 7, ფონ ნანდელშტადი 5, ნუმანი 4, სანდელინი 2, მაიალა 2, სანჰოლმი 1, რაინიკაინენი 1, ნოუსიაინენი, შოსტედტი, იოუტიიარვი, სინერვო, მუსტონენი, ჰარკონენი, იტკონენი

მსაჯები: ბოილაკერი, ჟილისი (ბლგ), დელეგატები: ვიზიციუ (მლდ), ასქეროვი (აზე)

B ჯგუფი. ლატვია – ლიეტუვა 18-28

A ჯგუფი. ფარერები – ბულგარეთი 37-20

A ჯგუფი. საბერძნეთი – სერბეთი 13-24

B ჯგუფი———თ—მ—ფ—წ——–ბ—–ქ

ლიეტუვა——–2—2—0—0—56-37—4

შვეიცარია——-1—1—0—0—39-20—2

საქართველო—-2—1—0—1—42-50—2

ფინეთი———-1—0—0—1—22-23—0

ლატვია———-2—0—0—2—38-67—0

3 აგვ. ლიეტუვა – საქართველო 28-19, შვეიცარია – ლატვია 39-20

A ჯგუფი———თ—მ—ფ—წ——–ბ—–ქ

სერბეთი——–2—2—0—0—54-39—4

ფარერები——-2—0—0—2—63-50—2

უკრაინა———1—1—0—0—19-18—2

საბერძნეთი—–2—0—0—2—31-43—0

ბულგარეთი—-1—0—0—1—20-37—0

3 აგვ. სერბეთი – ფარერები 30-26, უკრაინა – საბერძნეთი 19-18

5 აგვისტო

12:00 ბულგარეთი – უკრაინა

14:00 ფარერები – საბერძნეთი

16:00 საქართველო – ლატვია

18:00 ფინეთი – შვეიცარია

7 აგვისტო

12:00 ბულგარეთი – საბერძნეთი

14:00 უკრაინა – სერბეთი

16:00 ფინეთი – ლატვია

18:00 შვეიცარია – ლიეტუვა

8 აგვისტო

12:00 უკრაინა – ფარერები

14:00 სერბეთი – ბულგარეთი

16:00 შვეიცარია – საქართველო

18:00 ლიეტუვა – ფინეთი

10 აგვისტო, ნახევარფინალი

11:00 (9-10) A5-B5

13:00 (5-8) A3-B4

15:00 (5-8) B3-A4

17:00 (1-4) A1-B2

19:00 (1-4) B1-A2

11 აგვისტო, ფინალი

12:00 (7-8)

14:00 (5-6)

16:00 (3-4)

18:00 (1-2)

საქართველოს ნაკრები

GK: 1. ნატო კოპალეიშვილი (2002, სამტრედია), 16. დიანა ქარჩავა (2002, აჭარა), 61. ხატია ჯიქურაშვილი (2002, პეგასი)

LW: 11. ანა ჩხაიძე (2003, ქარიშხალა), 22. ნინო კომახიძე (2003, აჭარა)

RW, RB: 25. ნინო გაგნიძე (2002, პეგასი), 93. ლანა გოგია (2002, ფოთი), 23. ციცინო ბჟალავა (RW, 2003, ფოთი)

P: 3. ნინო საბაშვილი (2005, პეგასი), 17. მარიამ დვალიშვილი (2002, აჭარა)

LB, CB: 7. მარიამ ცინცაძე (2002, ქარიშხალა), 8. ნენო ჯგერენაია (2002, ფოთი), 9. ანა კორძაია (2003, პეგასი), 13. ხატია ქამაშიძე (2002, აჭარა), 18. ანა სურამლიშვილი (2004, ყვარელი), 19. თამარ ბურკაძე (2004, სამტრედია), 20. ელისაბედ ჩხაიძე (2002, პეგასი), 21. ქეთევან ცინცაძე (LB, 2002, ქარიშხალა)

მწვრთნელები: გელა ჟვანია (1990), ინა ჭკუასელი (1985), გიგა ტორონჯაძე (1989)

ექიმი ჯუმბერ ყარყარაშვილი (1990), მენეჯერი ლანა მარგიანი (1988)

მსგავსი სიახლეები
სხვადასხვა

ხაბიბ ნურმაგომედოვმა კონორ მაკგრეგორს დასცინა (ფოტო)

UFC-ის დაღესტნელმა მებრძოლა, ხაბიბ ნურმაგომედოვმა სოციალურ ქსელში კონორ მაკგრეგორს დასცინა. ხაბიბმა Twitter-ში ფოტო გამაოქვეყნა, რომელშიც […]...
წაკითხვა
სხვადასხვა

ისტორიული მიღწევა – მორის ყვითელაშვილმა ევროპის ჩემპიონატზე ბრინჯაოს მედალი მოიპოვა!

ავსტრიის ქალაქ გრაცში ფიგურულ ციგურაობაში ევროპის ჩემპიონატი მიმდინარეობს, სადაც 23 იანვარს მამაკაც ერთეულებს შორის მედლები […]...
წაკითხვა
სხვადასხვა

ხაბიბის გზავნილი მაკგრეგორს: “მეფე არასოდეს მიდის! უთხარით, რომ მოვდივარ!” (ვ

UFC-ის დაღესტნელმა მებრძოლმა ხაბიბ ნურმაგომედოვმა სოციალურ ქსელში ვიდეო გამოაქვეყნა. ხაბიბი ვარჯიშობს და მომდევნო შეხვედრისათვის ემზადება. […]...
წაკითხვა
სხვადასხვა

ტოჩინოშინი ტაკაეკიშოსთან დამარცხდა (ვიდეო)

ჰაცუ ბაშო, XII დღე ტაკაკეიშო – ტოჩინოშინი იხილეთ ვიდეო...
წაკითხვა
სხვადასხვა

ტოჩინოშინი ოკინოუმისთან დამარცხდა (ვიდეო)

ჰაცუ ბაშო, XI დღე ოკინოუმი – ტოჩინოშინი იხილეთ ვიდეო...
წაკითხვა
სხვადასხვა

ტოჩინოშინმა ასანოიამა დაამარცხა (ვიდეო)

ჰაცუ ბაშო, X დღე ასანოიამა – ტოჩინოშინი იხილეთ ვიდეო...
წაკითხვა
სხვადასხვა

ტოჩინოშინმა ტამავაში დაამარცხა (ვიდეო)

ჰაცუ ბაშო, IX დღე ტამავაში – ტოჩინოშინი იხილეთ ვიდეო...
წაკითხვა
სხვადასხვა

ლაშა ტალახაძემ გერმანელ ჟურნალისტს უპასუხა

რამდენიმე კვირის წინ ცნობილი გახდა დოკუმენტური ფილმის შესახებ, რომელიც დოპინგს ეხება. ამ ფილმში გერმანელმა ჟურნალისტმა […]...
წაკითხვა
სხვადასხვა

მაკგრეგორი: “მე უფრო რუსი ვარ, ვიდრე ხაბიბი! მე მიყვარს რუსეთი!”

UFC-ის ირლანდიელ მებრძოლს, კონორ მაკგრეგორს დონალდ სერონის წინააღმდეგ გამართული შეხვედრის შემდეგ შეკითხვა ხაბიბ ნურმაგომედოვთან შესაძლო […]...
წაკითხვა
სხვადასხვა

რა თანხა გამოიმუშავეს მაკგრეგორმა და სერონიმ ორთაბრძოლით?

19 იანვარს, ლას ვეგასმა UFC 246-ს უმასპინძლა. ღონისძიების მთავარი დაპირისპირება მაკგრეგორი-სერონის შეხვედრა იყო. ორთაბრძოლა 40 […]...
წაკითხვა
სხვადასხვა

მაკგრეგორის დასაფასებელი ჟესტი სერონის დამარცხების შემდეგ (ვიდეო)

დღეს, ლას ვეგასმა UFC 246-ს უმასპინძლა. ღონისძიება კონორ მაკგრეგორისა და დონალდ სერონის ორთაბრძოლით დასრულდა, რომელიც […]...
წაკითხვა
სხვადასხვა

მაკგრეგორი – სერონი (აწონვა)

ხვალ, ლას ვეგასში კონორ მაკგრეგორი დონალდ სერონს დაუპირისპირდება. UFC 246-ს ყველა ელის, რადგან სწორედ ამ […]...
წაკითხვა
კალათბურთი

ბოლო ათწლეულის 10 ყველაზე მაღალშემოსავლიანი სპორტსმენი

ამერიკულმა ბიზნეს-ჟურნალმა “ფორბსმა” ბოლო ათწლეულის ათი ყველაზე მაღალშემოსავლიანი სპორტსმენი დაასახელა. ათეულს მოკრივე ფლოიდ მეივეზერი ლიდ...
წაკითხვა