საქართველოს ნაკრებს გორგოძე უკაპიტნებს – სამატჩო რაზმი რუსეთის წინააღდეგ

კვირას, 12 მარტს, 18 საათზე, “დინამო არენაზე” საქართველო რუსეთს კარგად შეზავებული გუნდით ერაგბება: 

15-დან 7 დამწყებს 50-ზე მეტი კეპი აქვს მოგროვილი, სხვა 6 კი შარშან, 20-წლამდელთა ნაკრებში თამაშობდა

მატჩი “რაგბი ევროპის” ჩემპიონატისაა.  სამი ტურის შემდეგ საქართველო 14 ქულით ლიდერობს შეჯიბრს და ერთი მოგებით უსწრებს უახლოეს მდევარს – რუმინეთს, რუსეთი კი 4 ქულით ბოლოსწინა, მეხუთე ადგილზეა

წინა, ესპანეთში ბრძოლით მოგებული, თამაშიდან ბორჯღალოსანთა ზელანდიელმა მწვრთნელმა, მილთონ ჰეიგმა მარგი დასკვნები გააკეთა:

8 ნომრად აღადგინა რუსთაველი ბექა გორგაძე, მარბიელებად კი დააწინაურა გიორგი ცუცქირიძე და იხმო თვით”გულივერაც” – მამუკა გორგოძე, ვინც 70-ე კეპს ხომ მიითვლის და კაპიტნობასაც ითავებს, რაკი მერაბ შარიქაძე დაშავებულია

მარცხენა ბურჯად დაგვიბრუნდა დაღვინებული მიხეილ ნარიაშვილი; კვაჭია გამოცდილი ჯაბა ბრეგვაძე, მარჯვნივ კი დადგება არმაზში აღზრდილი ლაშა ტაბიძე, ვინაც აქამდე ორივე კეპი მარქაფიდან მიიღო

შერკინების მეორე ხაზი და გუნდის ღერძიც უცვლელია.  შუამარბად – შარიქაძის ნაცვლად – დავით კაჭარავას შეუწყვილდება ნორჩი რუსთაველი გიორგი კოშაძე, მის ტოლ ირაკლი სვანიძეს (ხულიგანა | ჯიქი) კი გარემარბად ვიხილავთ

ცენტურიონი მერაბ კვირიკაშვილი, ლოგიკით, პირველ ტაიმშივე დაძლევს 800-იან მიჯნას, რადგან მის ანგარიშზე უკვე 793ქულაა

ძირძველ ლელოელებს – “მეკოსა” და “გულივერას” კარიერაში უკვე 11-ჯერ უძლევიათ რუსეთი, ყოჩი “კაჭის” ანგარიშზე კი10 გამარჯვებაა

ჩრდილოელ მეზობელს ნაკრებთა დონეზე 1993 წლიდან ვეთამაშებით და ერთობ ვჯობნით:

18 მოგება – 1 წაგება * 1 ფრე (ქულა 500:231, ლელო 55/14) 

საქართველოში წინა სტუმრობაზე, შარშანწინ, დათვები “მესხზე” 0:33 დამარცხდნენ.

Rugby.Ge