საქართველოს ფეხბურთის ფედერაციის ხელმძღვანელები ეროვნული ლიგისა და ეროვნული ლიგა 2-ის კლუბების წარმომადგენლებს შეხვდნენ

თარიღი: ნოემბერი 10, 2018

სამუშაო შეხვედრას, რომელიც საქართველოს ფეხბურთის ფედერაციის ინიციატივით შედგა, სასტუმრო რედისონმა უმასპინძლა და მას ეროვნული ლიგისა და ლიგა 2 -ის წარმომადგენლები ესწრებოდნენ.

შეხვედრის მთავარი მიზანი, უშუალოდ კლუბების წარმომადგენელთაგან ჩემპიონატში არსებული ვითარების შესახებ ინფორმაციის მიღება იყო. მონაწილეებმა ამ ეტაპზე არსებული გამოწვევები და პრობლემები განიხილეს და მომავალი სეზონისათვის მოსამზადებელ პერიოდში არსებული საკითხების მოგვარებაზე იმსჯელეს.

შეხვედრა საქართველოს ფეხბურთის ფედერაციის გენერალურმა მდივანმა, დავით მუჯირმა შეაჯამა და აღნიშნა, რომ ასეთი შეხვედრების უმთავრესი მიზანი, სწორედ კლუბების მოსაზრებების მოსმენა და შემდგომში მათი გათვალისწინებაა. დავით მუჯირის განცხადებით, საუბარი იმ სავარაუდო სიახლეებსაც შეეხო, რომელსაც საქართველოს ფეხბურთის ფედერაცია ეროვნული ჩემპიონატის მეტი განვითარებისათვის მომავალ სეზონში გეგმავს:

„მოგეხსენებათ ჩემპიონატის დასკვნითი ეტაპი გვაქვს წინ. ამასთანავე მომავალი სეზონისთვის მოსამზადებლად გარკვეული დრო გვჭირდება. მოვისმინეთ ყველა ის პრობლემა და გამოწვევა, რომლის წინაშეც კლუბები და ფედერაცია აღმოჩნდნენ, როგორც მიმდინარე ისე გასულ სეზონში. ვფიქრობ, ასეთი შეხვედრები ძალიან მნიშვნელოვანია. შევეცდებით, დღევანდელ შეხვედრაზე გაჟღებული ყველა სურვილი მომდევნო სეზონში გავითვალისწინოთ. ეროვნული ჩემპიონატი წლიდან წლამდე პროგრესირებს და ჩვენი სურვილია, რომ ეს იყოს პერმანენტული. სწორედ ამიტომ გვსურდა, რომ ყველა კლუბის მოსაზრება მოგვესმინა. წინ გვაქვს თასის ფინალი, ჩემპიონატის დასკვნითი ტურები და პლეი-ოფები და მინდა, ყველას წარმატება ვუსურვო. მომავალი სეზონისთვის სამზადისი უკვე დიდი ხანია დაწყებული გვაქვს, დღევანდელი საუბარი ასევე შეეხო იმ პროექტებსა და სავარაუდო სიახლეებს, რომელიც მომავალი სეზონიდან შესაძლოა დაინერგოს.”- აღნიშნა დავით მუჯირმა.

შეხვედრის პროდუქტიულობა კლუბების ხელმძღვანელებმაც შეაფასეს.

„ჩვენ რეგულარულად ვხვდებით სეზონის განმავლობაში და შემდგომ. ეს ძალიან მნიშვნელოვანია, რათა ერთმანეთს გავუზიაროთ რა მიღწევები გვაქვს, რა პრობლემები გვაქვს. ამასთან, იცით, რომ დიდი ინფრასტრუქტურული პროექტები ხორციელდება და ესეცაა შეხვედრის ერთერთი მთავარი თემა.ასევე ვისაუბრეთ დაფინანსების სისტემაზე და ფონდზე, რომელიც, ვფიქრობ, ძალიან საჭიროა არამარტო კლუბებისთვის, არამედ ზოგადად, ქართული ფეხბურთისათვის.“- აღნიშნა ვიტ-ჯორჯიას დირექტორმა, გურამ რუხაძემ.

„ბუნებრივია, გროვდება საკითხები, რომელზეც ყველამ ამ შეხვედრების ფარგლებში აუცილებლად უნდა ვიმსჯელოთ. მე იმედი მაქვს, რომ ასეთი შეხვედრებისას, ამ პროცესში მივალთ საჭირო გადაწყვეტილებებამდე.“- აღნიშნა თბილისის ლოკომოტივის ტექნიკურმა დირექტორმა, გიორგი ყიფიანმა.

საქართველოს ფეხბურთის ფედერაცია, ეროვნულ ჩემპიონატთან დაკავშირებული გადაწყვეტილებების მიღების პროცესში კლუბების მაქსიმალური ჩართულობის უზრუნველსაყოფად, მონაწილე კლუბების წარმომადგენლებთან შეხვედრებს რეგულარულ რეჟიმში გააგრძელებს.

erovnuliliga.ge

მსგავსი სიახლეები
ფეხბურთი

გიორგი დევდარიანის 4 მთავარი პუნქტი, რასაც ნაკრებში შეცვლიდა

საქართველოს ახალგაზრდული ნაკრებისა და თბილისის “დინამოს” ყოფილმა მწვრთნელმა გიორგი დევდარიანმა 4 ძირითად პუნქტზე ისაუბრა, რასაც […]...
წაკითხვა
ფეხბურთი

ჩირო იმობილემ “ზენიტს” ულამაზესი გოლი გაუტანა (ვიდეო)

იხილეთ ვიდეო Ciro Immobile what a goal for Lazio. pic.twitter.com/JKQ25pS6ht — DeShaun (@DeshaunTalks) November 24, […]...
წაკითხვა
ფეხბურთი

ივან რაკიტიჩის ლამაზი გოლი “კრასნოდარის” კარში (ვიდეო)

იხილეთ ვიდეო Rakitic scores a beauty for Sevilla. pic.twitter.com/zr3wbEghsS — DeShaun (@DeshaunTalks) November 24, 2020...
წაკითხვა
ფეხბურთი

სფფ-ის წარმომადგენლები ჩემპიონთა ლიგისა და ევროპა ლიგის მატჩებზე

26 ნოემბერს, უეფას ევროპა ლიგის ჯგუფური ეტაპის მეოთხე ტურის მატჩები გაიმართება. ლონდონში ადგილობრივი “ტოტენჰემი” ბულგარულ […]...
წაკითხვა
ფეხბურთი

გუცაევი: “საქართველოს ნაკრების მწვრთნელი აუცილებლად ქართველი უნდა იყოს!”

ლეგენდარულმა ქართველმა ფეხბურთელმა ვოვა გუცაევმა საქართველოს ნაკრების მომავალი მწვრთნელის შესახებ ისაუბრა. “მწვრთნელი აუცილებლად უნდა იყოს [&hel...
წაკითხვა
ფეხბურთი

“ლანჩხუთის” მეტოქე ცნობილია – ჩემპიონთა ლიგის 1/16-ფინალური ეტაპის წილის

დღეს, შვეიცარიის ქალაქ ნიონში უეფას ქალთა ჩემპიონთა ლიგის 1/16-ფინალური ეტაპის წილისყრა გაიმართა. გაირკვა, რომ “ლანჩხუთი” […]...
წაკითხვა
ფეხბურთი

“უნდა გავიხედოთ იქითაც, ვინ არის დღეს ბაზარზე” – კობიაშვილი საქართველოს

საქართველოს ფეხბურთის ფედერაციის პრეზიდენტმა, ლევან კობიაშვილმა ეროვნული ნაკრების ახალი მთავარი მწვრთნელის საკითხზე კომენტარი გააკეთა. გადაცემა [&hell...
წაკითხვა
ფეხბურთი

ვინ შეხვდება “ლანჩხუთს” – ოთხი სავარაუდო მეტოქე ცნობილია

ხვალ ქალთა ჩემპიონთა ლიგის 1/16-ფინალური ეტაპის წილისყრა გაიმართება. ოთხამდე შემცირდა იმ გუნდების სია, რომლებიც, შესაძლოა, […]...
წაკითხვა
ფეხბურთი

სლუცკიმ კვარაცხელიას სიტუაციაზე კომენტარი გააკეთა

ყაზანის “რუნიბის” მთავარმა მწვრთნელმა ლეონიდ სლუცკიმ გუნდის გარემარბ ხვიჩა კვარაცხელიას სიტუაციის შესახებ კომენტარი გააკეთა. როგორც [&hell...
წაკითხვა
ფეხბურთი

ბუდუ ზივზივაძის მორიგი გოლი უნგრეთის ჩემპიონატში (ვიდეო)

ბუდუ ზივზივაძის გოლი “დიოშდიორის” კარში იხილეთ ვიდეო...
წაკითხვა
ფეხბურთი

საქართველოს თასი კორონავირუსის გამო გადაიდო

დავით ყიფიანის სახელობის საქართველოს თასის 2020 წლის სეზონის ფინალური შეხვედრა, რომელიც 25 ნოემბერს გორში უნდა […]...
წაკითხვა