საქართველოს რაგბის კავშირის გამგეობის განცხადება

დღეს, 26 დეკემბერს გაიმართა საქართველოს რაგბის კავშირის გამგეობის სხდომა. სხდომაზე იმსჯელეს სრკ-ს საერთო კრების ახალი თარიღისა და ადგილის დადგენის, სრკ-ს პრეზიდენტობის კანდიდატთა საერთო კრებისათვის წარდგენის ვადისა და წესის განსაზღვრის შესახებ.

გამგეობის სხდომაზე შემდეგი გადაწყვეტილებები მიღებულ იქნა ხმათა აბსოლუტური უმრავლესობით:

• სრკ-ს წლიური საერთო კრება მოწვეულ იქნას 2016 წლის 24 იანვარს 13 საათზე თბილისში, მისამართზე: თავისუფლების მოედანი #4 – სასტუმრო ქორთიარდ მერიოტი;

• სრკ-ს 2016 წლის 24 იანვრის საერთო კრებისთვის სრკ-ს პრეზიდენტობის კანდიდატის წარდგენის ბოლო ვადად განისაზღვროს 2016 წლის 18 იანვარის, 13 საათი;

• სრკ-ს პრეზიდენტობის კანდიდატთა წარდგენა უნდა განხორციელდეს წერილობითი ფორმით სრკ–ის ნამდვილი წევრისმიერ, სრკ–ის გამგეობაში;

• სრკ-ს ნამდვილი წევრის მიერ წარდგენილმა პრეზიდენტობის კანდიდატმა 2016 წლის 18 იანვარის 13 საათმდე უნდა წარმოადგინოს წერილობითი თანხმობა სრკ-ს გამგეობაში, სრკ-ს საპრეზიდენტო არჩევნებში მონაწილეობის შესახებ;

საქართველოს რაგბის კავშირის გამეგეობის სხდომის ოქმი 26/12/2015