საქართველოს თასი ქუთაისელებმა დაძაბულ ბრძოლაში შეინარჩუნეს

თარიღი: მაისი 3, 2018

საქართველოს თასის გამარჯვებული “ქუთაისი 2010” გახდა. იმერულმა კლუბმა თბილისის ოლიმპიურ სასახლეში გამართულ დაძაბულ ფინალურ მატჩში “კაკტუსი” 67:65 დაამარცხა და თასის მფლობელი გახდა. ქუთაისელებმა საქართველოს თასის წინა გათამაშებაც მოიგეს და საპატიო ტიტული წელსაც შეინარჩუნეს.

როგორც საბოლოო ანგარიშიდან ჩანს, შეხვედრა საკმაოდ დაძაბული იყო. ეს განსაკუთრებით მის დასკვნით ნაწილზე ითქმის, რადგან თითქმის მთელი თამაშის განმავლობაში ქუთაისელები წინ იყვნენ და კაკტუსელებმა ბოლო წუთებზე დაძაბეს სიტუაცია. პირველი პერიოდის 19:21 წაგების შემდეგ, ქუთაისელებმა თამაში დაალაგეს. კოტე ტუღუშის გაწვრთნილმა გუნდმა დაცვა გაამაგრა, ხოლო შეტევაში ბურთის გადატანას, კომბინაციების გათამაშებას და ხშირ შემთხვევაში მათ დაგვირგვინებას ჯონათან ლი თავობდა.

პირველ და მეორე პერიოდებს შორის დააჯილდოვეს ქართული კალათბურთის ღირსეული წარმომადგენლები – ვეტერანი კალათბურთელები – მარენ კეკელია და სერგო იშხნელი. ბატონ სერგოს 70 წელი შეუსრულდა, ხოლო ბატონ მარენს – 85. იუბილარები საქართველოს კალათბურთის ფედერაციის პრეზიდენტმა პაატა გურასპაულმა საპატიო სიგელებითა და ეროვნული ნაკრების სახელობითი მაისურებით დააჯილდოვა. დარბაზში არ იმყოფებოდნენ, მაგრამ ანალოგიური საჩუქრები გადაეცემათ ასევე იუბილარებს – ზურაბ ქარაბაკსა (70 წელი შეუსრულდა) და გურამ აბაშიძეს (85).

მეორე პერიოდი ქუთაისელებმა 21:10 მოიგეს და დიდ შესვენებაზე 9-ქულიანი ლიდერობით გავიდნენ 40:31. “კაკტუსის” მოთამაშეები არ ტყდებოდნენ და სწრაფი შეტევებით იმისთვის საკმარის ქულებს იხვეჭდნენ, რომ მეტოქე ძალიან შორს არ გაეშვათ. ქუთაისელებმა მესამე პერიოდში ლიდერობას კიდევ 2 ქულაც დაამატეს, წინ 13 ქულით გაიჭრნენ და საბოლოო წარმატების მისაღწევად მცირედი აკლდათ.

არჩილ ჟღენტის გაწვრთნილმა კაკტუსელებმა ბოლომდე იბრძოლეს. მედგარი დაცვის ხარჯზე იმერულ გუნდს ქულების ხვეჭის დიაპაზონი შეუზღუდეს, თავად კი სწრაფი გარღვევებით ჩამორჩენის გაბათილება იწყეს. ქუთაისელები ლიდერობას ინარჩუნებდნენ და აკაკი დვალიშვილის შორეული ორქულიანის შემდეგ მატჩის დასრულებამდე 2 წუთით ადრე 5 ქულას – 65:60 იგებდნენ.

გადამწყვეტ წუთებზე კაკტუსელებს ცოტა დააკლდათ გმირობამდე – ჟღენტის გაწვრთნილმა გუნდმა პრესინგის ხარჯზე მოახერხა 2-ჯერ ჩაჭრის განხორციელება, რასაც მოყოლილი საპასუხო შეტევა ორჯერვე ქუთაისელთა ჯარიმით დასრულდა. თბილისელები, რომლებიც საჯარიმოებს 50-ზე დაბალი პროცენტით ესროდნენ, მიზანი გამოავლინეს – კრისტიან ჯონსონმა პირველ ჯერზე ორივე საჯარიმო ჩააგდო, ხოლო შემდეგ 2-დან – 1 და ანგარიში გაათანაბრა – 65:65. საჯარიმო სროლებს შორის შეტევაში დიდებულად ითამაშა დავით ლომიძემ, რომელმაც ჯონსონის აცილებულ სამქულიანს შედეგიანად დაამატა.

მატჩის დასრულებამდე ნახევარი წუთით ადრე, თანაბარ ანგარიშზე, ქუთაისელებმა შეტევა წამოიწყეს, რომელიც ჯონათან ლის არაზუსტი ორქულიანით სრულდებოდა, მაგრამ შეტევაში მოპოვებული მოხსნით აკაკი დვალიშვილმა იმერულ კლუბს განმეორებითი შანსი უბოძა. კაკტუსელი გიორგი ტურძილაძე დაჯარიმდა და დვალიშვილმა 1 ზუსტი საჯარიმოთი “ქუთაისი” 66:65 დააწინაურა. “კაკტუსს” თამაშის გადასარჩენად 20 წამი ჰქონდა, თუმცა შეტევა შედეგიანად ვერ დააგვირგვინეს. ლომიძის გარღვევა არაზუსტად დასრულდა, თუმცა დამატებაზე მის თანაგუნდელებს შეეძლოთ ხეირი, მაგრამ ფარზე ამხტარ ანატოლი ბოისას და გიორგი ტურძილაძეს ეს არ გამოუვიდათ, ბურთი ქუთაისელთა ლიდერ ლის მიუვიდა და მატჩის ბედიც გაირკვა: ლიმ საბოლოო ანგარიში პირველი საჯარიმ სროლით დააფიქსირა. მეორე ააცილა და დროც დასრულდა.

თასის მფლობელებს 19 ქულით ჯონათან ლიმ ულიდერა. 15 ქულა მოიპოვა დეჟუან რაიტმა, ხოლო აკაკი დვალიშვილმა ორმაგი დუბლი გაიფორმა – 13 ქულა, 10 მოხსნა. “კაკტუსში” 18 ქულით კრისტიან ჯონსონი გამოირჩა. 14 ქულა და 12 მოხსნა მოაგროვა გიორგი ტურძილაძემ, ხოლო დეანდრე პარკსის ანგარიშზე 11 ქულა დაგროვდა.

მატჩის დასრულების შემდეგ გაიმართა დაჯილდოვების ცერემონიალი. ქუთაისელები მედლებითა და სიგელით საქრთველოს კალათბურთის ფედერაციის ვიცე-პრეზიდენტმა, ვლადიმერ ბოისამ და ფედერაციის წარმომადგენელმა, ზაზა ღონღაძემ დააჯილდოვეს. თასის გათამაშების საუკეთესო მოთამაშედ დასახელდა ქუთისელთა ამერიკელი ლეგიონერი – ჯონათან ლი, რომელსაც სპეციალური პრიზი ვლადიმერ ბოისამ გადასცა.

მთავარი პრიზი – საქართველოს თასი – ქუთაისელთა კაპიტანმა გიორგი ბარბაქაძემ საქართველოს კალათბურთის ფედერაციის პრეზიდენტისგან – პაატა გურასპაულისგან ჩაიბარა.

კოტე ტუღუში – „ქუთაისის“ მთავარი მწვრთნელი:

„ვულოცავ ჩემს გუნდსა და „ქუთაისის“ ყველა გულშემატკივარს გამარჯვებას, გუშინ ქუთაისობა იყო და ეს ტიტული სიმბოლურად სწორედ ჩვენს ქალაქს მივუძღვენით. „კაკტუსს“ კი დიდი მადლობა ასეთი ბრძოლისთვის, ძალიან მებრძოლი გუნდია და მათ დღეს ეს კიდევ ერთხელ დაამტკიცეს, მიუხედავად ამისა, მოხარული ვარ, რომ გავიმარჯვეთ. პლეიოფების წინ ასეთ გამარჯვებას დიდი მნიშვნელობა აქვს.“

მსგავსი სიახლეები
კალათბურთი

სტივ კერიმ კაპიტოლიუმში შეჭრილ აქტივისტებს ტერორისტები უწოდა

ვაშინგტონში მიმდინარე მოვლენებს “გოლდენ სტეიტ უორიორსის” მთავარი მწვრთნელი, სტივ კერი, გამოეხმაურა. როგორც იცით, დონალდ ტრამპის […]...
წაკითხვა
ბლოგი

2020 წლის 40 ყველაზე გამორჩეული სპორტული ფოტო

ფოტოსააგენტო Getty Images, Reuters-თან და AFP-სთან თანამშრომლობის შედეგად 2020 წლის 40 ყველაზე გამორჩეულ ფოტოს გვთავაზობთ. […]...
წაკითხვა
კალათბურთი

კავაი ლეონარდის ტრავმა “დენვერთან” მატჩში (ვიდეო)

26 დეკემბერს, NBA-ში “ლოს ანჯელეს კლიპერსმა” “დენვერ ნაგეთსი” 121:108 დაამარცხა. მატჩის მიმდინარეობისა “კლიპერსის”...
წაკითხვა
კალათბურთი

ცნობილია – როგორია გოგა ბითაძის ანაზღაურება კონტრაქტის გახანგძლივების შემდეგ?

“ინდიანა პეისერსმა” ქართველ კალათბურთელს, გოგა ბითაძეს კონტრაქტი 2024 წლამდე გაუხანგძლივა. 21 წლის ცენტრი ამჟამად ტრავმირებულია, […...
წაკითხვა
კალათბურთი

სანდრო მამუკელაშვილის მორიგი რეკორდი ამერიკაში (ვიდეო)

სანდრო მამუკელაშვილმა მორიგი პირადი რეკორდი დაამყარა. “სეტონ ჰოლის” ქართველმა ფორვარდმა ამერიკის სტუდენტური ლიგის Big East-ის […]...
წაკითხვა
კალათბურთი

მაიკლ დიქსონი საქართველოს ჩემპიონატში ითამაშებს

საქართველოს ნაკრების ნატურალიზებული კალათბურთელი, მაიკლ დიქსონი კარიერას საქართველოს ჩემპიონატში გააგრძელებს. 30 წლის ამერიკელი სუპერლიგის კლუბ [&hell...
წაკითხვა
კალათბურთი

თორნიკე შენგელია: “ეს გამარჯვება იყო საქართველოსთვის”

საქართველოს საკალათბურთო ნაკრების ერთ-ერთმა ლიდერმა, თორნიკე შენგელიამ შვეიცარიასთან გამარჯვების (91:84) შემდეგ კომენტარი გააკეთა. “ძალიან რთული...
წაკითხვა
კალათბურთი

თორნიკე შენგელია: “ვამაყობ ჩემი გუნდით”

საქართველოს ნაკრების კალათბურთელმა, თორნიკე შენგელიამ ევრობასკეტ 2022-ის შესარჩევ ეტაპზე, ფინეთთან გამარჯვების (91:85) შემდეგ კომენტარი გააკეთა. [&hel...
წაკითხვა
კალათბურთი

სურპრიზი გიორგი შერმადინს – ქართველი კალათბურთელი კვლავაც საუკეთესოა! (ვიდეო)

“ტენერიფეს” კალათბურთელი, გიორგი შერმადინი ესპანეთის ჩემპიონატის ოქტომბრის თვის საუკეთესო მოთამაშედ დასახელდა. ქართველ კალათბურთელს კუთვნი...
წაკითხვა
კალათბურთი

“უსამართლოდ მომექცნენ! ვცდილობ, ვიყო კარგი მამა” – მაიკლ დიქსონის ემოციუ

საქართველოს ნაკრების ნაყურალიზებულმა კალათბურთელმა, მაიკლ დიქსონმა POSTV-ის პლატფორმის საშუალებით სპეციალური განცხადება გაავრცელა. 29 წლის კალათბურთელ...
წაკითხვა
კალათბურთი

ლოს-ანჯელესის ქუჩებში კობის სახელს სკანდირებენ (ვიდეო)

“ლოს-ანჯელეს ლეიკერსმა” NBA-ს ფინალურ სერიაში “მაიამი ჰიტი” 4:2 დაამარცხა. “ლეიკერსის” კალათბურთელებმა, ენტონი დეი...
წაკითხვა
კალათბურთი

ენტონი დეივისმა ჩემპიონობა კობი ბრაიანტის ხსოვნას მიუძღვნა (ვიდეო)

“ლოს-ანჯელეს ლეიკერსმა” NBA-ს ფინალურ სერიაში “მაიამი ჰიტი” 4:2 დაამარცხა. მატჩის შემდეგ, ენტონი დეივისმა ეს გამარჯვება [&hell...
წაკითხვა
კალათბურთი

“ლოს-ანჯელეს ლეიკერსი” ჩემპიონია, ლებრონ ჯეიმსი – MVP

“ლოს-ანჯეეს ლეიკერსმა” ნაციონალური საკალათბურთო ასოციაციის 2020 წლის გათამაშებაში იმარჯვა. ფინალური სერიის მეექვსე მატჩში ყველაფერი დამთავ...
წაკითხვა
კალათბურთი

ლებრონ ჯეიმსი “მაიამი ჰიტის” ოთხი კალათბურთელის წინააღმდეგ (ვიდეო)

“მაიამი ჰიტმა” ნაციონალური საკალათბურთო ასოციაციის ფინალური სერიის მეხუთე მატჩში ყველას დაუმტკიცა, რომ “ლოს-ანჯელეს ლეიკერსისთვის...
წაკითხვა