“სატონის” მეკარე “არსენალთან” მატჩის შესვენების დროს საჭმელად ბარში წავიდა
20 თებერვალს, ინგლისის ასოციაციის თასზე ლონდონის “არსენალი” სტუმრად სამოყვარულო ლიგის წარმომადგენელ “სატონს” დაუპირისპირდა და მეტოქე ანგარიშით 2:0 დაამარცხა.
“სატონის” რიგებში ყველაზე დიდ ყურადღებას 45 წლის მეკარე, უეინ შოუ იქცევდა. შოუ 130 კილოგრამს იწონის, ამჯერად კი ის მთავარმა მწვრთნელმა სათადარიგო შემადგენლობაში შეიყვანა.
როგორც ჩანს, შოუ პირველივე ტაიმში მიხვდა, რომ თამაში არ მოუწევდა, ამიტომ მან შესვენებაზე ბარში წასვლა გადაწყვიტა. შესვენების დროს BBC-ის ჟურნალისტმა, კრის სლეგმა ბარში მყოფი მეკარის ფოტო გამოაქვეყნა.
“არ გეხუმრებით. “სატონის” სათადარიგო მეკარე, უეინ შოუ შესვენების დროს ბარში იმყოფება.”
I kid you not. Sutton reserve keeper Wayne Shaw is in the bar at half-time. pic.twitter.com/f7014pXRBP
— Chris Slegg (@ChrisSlegg) February 20, 2017
მეორე ტაიმში შოუმ გულშემატკივრებს თავი ისევ შეახსენა, ამჯერად მან ღვეზელი მიირთვა.
