სავიოლას ინგლისში თამაში სურს
თარიღი: ივლისი 22, 2014
ხავიერ სავიოლამ ურთიერთშეთანხმების საფუძველზე ბერძნულ „ოლიმპიაკოსთან“ კონტრაქტი გაწყვიტა. არგენტინელი ფეხბურთელის აგენტმა განაცხადა, რომ მის კლიენტს ინგლისის რომელიმე გუნდში გადასვლა სურს.
„ოლიმპიაკოსთან“ შეთანხმებას მივაღწიეთ. ახლა ხავიერი თავისუფალი აგენტის სტატუსით სარგებლობს და ნებისმიერ კლუბთან შეუძლია მოლაპარაკებების დაწყება. მას ყოველთვის სურდა ინგლისში თამაში და კვლავ აქვს ამის სურვილი. ამ ქვეყნიდან არაერთი შემოთავაზება გვაქვს“, – განაცხადა სავიოლას აგენტმა.
32 წლის არგენტინელმა თავდამსხმელმა საბერძნეთის ჩემპიონატის გასულ სეზონში 25 მატჩი ჩაატარა და 12 გოლი გაიტანა.
მსგავსი სიახლეები