SBM LEAGUE 2014/15: წლის სუპერ დასასრული

თარიღი: დეკემბერი 29, 2014

28 დეკემბერს, ჯ.ცერცვაძის სახელობის ხელბურთის აკადემიამ ბიზნესის ჩემპიონთა ლიგის 2014 წლის დასკვნით სათამაშო დღეს უმასპინძლა.

გულშემატკივრის განსაკუთრებულ ინტერესს, რასაკვირველია სუპერლიგის მეშვიდე ტურის შეხვედრა იწვევდა, სადაც ერთმანეთს გათამაშების ორი ლიდერი, პროგრეს ბანკი და მფკ ნატახტარი დაუპირისპირდნენ. კალაძე, მუჯირი, იაშვილი, დემეტრაძის ოთხეულს გუშინ ლევან კობიაშვილიც შეუერთდა, რომელმაც ბიზნესის ჩემპიონთა ლიგაში სადებიუტო შეხვედრა გამართა.

19სავსე ტრიბუნების წინ მიმდინარე დაპირისპირება უაღრესად დაძაბული და სანახაობრივი გამოდგა და თამამად დაიმსახურა ჩემპიონატის საუკეთესო მატჩის წოდება. ანგარიში ლევან კობიაშვილის სადებიუტო გოლით გაიხსნა, რომელმაც კალაძე- იაშვილის ორსვლიანი კომბინაცია, მისთვის უჩვეულო მარჯვენა ფეხით დააგვირგვინა 1-0. მალევე ჩემპიონმა ანგარიში გაათანაბრა, შორეული დარტყმა ნატახტარის კაპიტანმა, გიორგი სეფერთელაძემ შეასრულა – 1-1. „ბანკირები“ პირველ ტაიმშივე დაწინაურდნენ. საოცარი გოლი გაიტანა კახა კალაძემ, რომელმაც საკუთარი მეკარისგან მიღებული ბურთი, ერთი შეხებით შორეულ ცხრიანში გადაგზავნა – 2-1. გოლი უდაოდ საუკეთესოა მიმდინარე გათამაშებაში.

კახი კალაძე_97644

ამის შემდეგ ორივე კართან მომენტები მრავლად იქმნებოდა, თუმცა ხან შემტევები ცოდავდნენ, ხანაც მეკარეები ირჯებოდნენ დამაჯერებლად. ეს განსაკუთრებით პროგრესის კიპერზე, გიორგი ვეშაპიძეზე ითქმის, რომელმაც არაერთი ურთულესი ბურთის მოგერიება მოახერხა. მეორე ტაიმში ანგარიში მაინც გათანაბრდა, კახაბერ გოგოხიას დაწყებული იერიში, მანვე ეფექტური დარტყმით დაასრულა – 2-2. დაწინაურების ყველაზე რეალური შანსი კი ისევ ნატახტარს ქონდა, თუმცა 7 მეტრიანი დარტყმა სეფერთელაძეს მეკარემ აუღო. ამის შემდეგაც, დაძაბულობა ბოლო წამამდე არ ჩამცხრალა, თუმცა საბოლოოდ გუნდები მშვიდობიანად დაცილდნენ ერთმანეთს, ფრე 2-2. ამ მატჩის შემდეგ, პროგრეს ბანკს 7 მატჩი მოპოვებული 14 ქულით სატურნირო ცხრილში პირველი ადგილი უკავია, ხოლო ნატახტარი 13 ქულით შსს-თან იყოფს მეორე-მესამე ადგილებს. მეშვიდე ტურის დანარჩენი სამი შეხვედრა უკვე მომდევნო წელს გაიმართება.

28.12.2014. სუპერლიგა. VII ტური

მფკ ნატახტარი – პროგრეს ბანკი 2-2

გოლები: სეფერთელაძე (1), გოგოხია (1) – კობიაშვილი (1), კალაძე (1)

პროგრეს ბანკი-ნატახტარი_09356562121 პროგრეს ბანკი-ნატახტარი_09356562664 პროგრეს ბანკი-ნატახტარი_09356560870 პროგრეს ბანკი-ნატახტარი_09356565345 პროგრეს ბანკი-ნატახტარი_09356565534 პროგრეს ბანკი-ნატახტარი_0935656465

 

მარიამ ნიშნიანიძის ფოტოები

სუპერლიგის ბომბარდირები:

ალექსანდრე იაშვილი (პროგრეს ბანკი) – 11,  კახა კალაძე (პროგრეს ბანკი) – 10, რევაზ ინჯგია (შსს) – 9

გუშინ კიდევ ოთხი შეხვედრა გაიმართა. მეექვსე ტურის დარჩენილი სამი მატჩი გამართეს ვერცხლის ლიგის გუნდებმა. მოულოდნელად დამარცხდა სნიკერსი, რომელმაც ბანკ რესპუბლიკასთან დათმო, 1-3. დამაჯერებლად მოიგო ბი პი ჯორჯიამ ტატიშვილის სამედიცინო ცენტრის გუნდთან, 7-1. უხვგოლიანი გამოდგა საქრუსენერგოსა და კრედოს დაპირისპირება, სადაც სამი ქულა „ბანკირებმა“ მოიპოვეს, 9-4.

 

28.12.2014.ვერცხლის ლიგა. VI ტური

ტატიშვილი – BP GEORGIA 1-7

გოლები: არველაძე (1) – კუჭუაშვილი (2), მალაშხია (1), გულარიძე (3), ლუბიჩიჩი (1)

ბანკი რესპუბლიკა  – სნიკერსი 3-1

გოლები: ზერეკიძე (2), ნიჟარაძე (1) – ბ.მენთესაშვილი (1)

საქრუსენერგო – კრედო 4-9

გოლები: ანდღულაძე (3), მიქაუტაძე (1) – ჩიხრაძე (6), ნიკოლავა (1), ცერცვაძე (2)

ვერცხლის ლიგის მეშვიდე ტურის ერთი შეხვედრაც კვირას გაიმართა. პროკრედიტ ბანკი რუსთავი 2-ს დაუპირისპირდა და მოულოდნელად, 3-4 დამარცხდა.

28.12.2014. ვერცხლის ლიგა. VII ტური

პროკრედიტ ბანკი – რუსთავი 2 3-4

გოლები: თურმანიძე (2), ჟღენტი (1) – კვეზერელი (3), ამიროვი (1)

ვერცხლის ლიგის ბომბარდირები:

ლადო ასათიანი (ბაქსვუდი), ლევან ჩიხრაძე (კრედო) – 16, გიორგი აფციაური (GWP) – 14, ლაშა ჯოხაძე (საქართველოს ბანკი 2), ზურა ცერცავძე (კრედო) – 13

გუშინდელი დღე იმითაც იყო გამორჩეული, რომ წლის დასრულებასთან დაკავშირებით, ჩემპიონატის ორგანიზატორმა, სპორტულმა სააგენტო SBM, გულშემატკივარს გათამაშება შესთავაზა, რის შედეგადაც რამოდენიმე იღბლიანი სახლში ესპანური სპორტული ბრენდის JOMA-ს და თაფლი „მეფუტკრეს“ პროდუქციით ხელდამშვენებული დაბრუნდა.

რაც შეეხება სეზონის განახლებას, ბიზნესის ჩემპიონთა ლიგაში თამაშები 18 იანვარს გაიმართება.

ბიზნესის ჩემპიონთა ლიგის გენერალური პარტნიორია „ვითიბი ბანკი“. ჩემპიონატის სპონსორია სპორტული ფეხსაცმლის ამერიკული ბრენდი „სკეჩერსი“. ჩემპიონატის ტექნიკური პარტნიორია, ესპანური სპორტული ბრენდი JOMA.

ღონისძიების პარტნიორები და მხარდამჭერები არიან: სამაუწყებლო კომპანია „რუსთავი 2“, იურიდიული ჯგუფი „ერისთავი და პარტნიორები“, სასტუმრო „ჰოლიდეი ინი“, Apple City, „მედი ქლაბ ჯორჯია“,  თაფლი „მეფუტკრე“,  ყვავილების მაღაზია „flowers.ge” და მუსიკალური მაღაზია „GURU music”

რაც შეეხება მედია პარტნიორებს: რადიოები, „იმედი“, „კომერსანტი“, „ჯაკო“, ვებ პორტალები, geosports.ge, sportall.ge, worldsport.ge, goal.ge, fanebi.com, adami.ge, news.ge და ყოველკვირეული ჟურნალი „ლელო week”.

სპორტული სააგენტო SBM-ის პრესსამსახური

მსგავსი სიახლეები
ფეხბურთი

ქობულეთის “შუქურა” ეროვნულ ლიგაში დაწინაურდა!

ქობულეთის “შუქურამ” დღეს “ვიტ ჯორჯიასთან” 0-1 წააგო, მაგრამ ეროვნული ლიგა 2-ის ჩემპიონი გახდა და მომდევნო […]...
წაკითხვა
ფეხბურთი

ედენ აზარი კვლავ ტრავმირებულია

მადრიდის “რეალის” ბელგიელ ვარსკვლავს, ედენ აზარს, კვლავ პრობლემები აქვს. “ბლანკოსის” ნახევარმცველმა “ალავესთან” მა...
წაკითხვა
ფეხბურთი

“იუვენტუსმა” რონალდუს გარეშე ჩატარებულ სამივე მატჩში დაკარგა ქულები

ტურინის “იუვენტუსმა” სერია A-ს მეცხრე ტურის მატჩში “ბენევენტოსთან” ფრე 1:1 ითამაშა. მატჩის შემდეგ იტალიურმა ჟურნალ-გაზეთებმა [...
წაკითხვა
ფეხბურთი

ემოციური კადრები – კარლო ანჩელოტიმ ცრემლები ვერ შეიკავა (ვიდეო)

28 ნოემბერს, ინგლისის პრემიერ ლიგაში “ევერტონმა” საკუთარ მოედანზე “ლიდსი” მიიღო და ანგარიშით 0:1 დამარცხდა. მატჩის […]...
წაკითხვა
ფეხბურთი

ბუდუ ზივზივაძემ უნგრეთში ისევ გაიტანა (ვიდეო)

ბუდუ ზივზივაძის გოლი “ზალაეგერსეგის” კარში იხილეთ ვიდეო...
წაკითხვა
ფეხბურთი

მარადონას კიდევ ერთი შვილი ჰყავს? დიეგოს შესაძლო ვაჟი მის ექსჰუმაციას ითხოვს

19 წლის სანტიაგო ლარა აცხადებს, რომ დიეგო მარადონა მისი ბიოლოგიური მამაა. ლარა საჯაროდ პირველად 2016 […]...
წაკითხვა
ფეხბურთი

გიორგი ქვილითაიას ჰეთრიკი კვიპროსში (ვიდეო)

გიორგი ქვილითაიამ “ენოსისთან” ჰეთრიკი შეასრულა. 2 პენალტს ბოლოს საჯარიმოდან გოლიც დაუმატა და “ანორთოსისს” აუტსაიდერთან 3 [&hel...
წაკითხვა
ფეხბურთი

ოფიციალურად: “ბარსელონამ” ფეხბურთელებს ხელფასები შეუმცირა

კატალონიური “ბარსელონას” ოფიციალური ვებ-გვერდი ადასტურებს ინფორმაციას, რომლის მიხედვითაც კლუბმა ფეხბურთელებთან ხელფასების შემცირების თაობა...
წაკითხვა
ფეხბურთი

გიორგი ბერიძის ბრწყინვალე გოლი უნგრეთის ჩემპიონატში (ვიდეო)

“უიპეშტი” 1:1 “პაკში” გიორგი ბერიძის ბრწყივნალე გოლი “პაკშის” კარში იხილეთ ვიდეო...
წაკითხვა
ფეხბურთი

მენეჯერი: “დიეგო ყოველთვის მარტო იყო, სიცოცხლეც აღარ უნდოდა”

დიეგო არმანდო მარადონას მენეჯერი და ახლო მეგობარი ლეგენდარული ფეხბურთლის გარდაცვალების შემდეგ საინტერესო საკითხების შესახებ საუბრობს. […]...
წაკითხვა
ფეხბურთი

მიჩელი: “ჰოლანდის ტრანსფერის თანხით ოთხ-ხუთ ფეხბურთელს ვიყიდდი”

მადრიდის “რეალის” ყოფილი ვარსკვლავი, მიჩელი, მიიჩნევს, რომ კლუბმა სატრანსფერო პოლიტიკა უნდა შეცვალოს. როგორც იცით, “რეალი” [&h...
წაკითხვა
ფეხბურთი

პრემიერ ლიგის რომელი კლუბები დაუშვებენ ფანებს სტადიონზე?

დიდ ბრიტანეთში კორონავირუსის წინააღმდეგ ბრძოლის გეგმაში მიღებული ცვლილებები სპორტის სექტორსაც შეეხო. ინგლისი კორონავირუსის მძვინვარების საფრთხის [&hel...
წაკითხვა