ემოციების პიკი: არგენტინის ნაკრებმა ბოლო წუთებზე მოიგო (ვიდეო)

მსოფლიოს საფეხბურთო ჩემპიონატის D ჯგუფი ერთ-ერთი ყველაზე დაძაბული და საინტერესო გამოდგა. ბოლო მომენტამდე ოთხივე ნაკრები ინარჩუნებდა მომდევნო ეტაპზე გასვლის შანს.

არგენტინისა და ნიგერიის ნაკრებების მატჩს მთელი მსოფლიო მოელოდა, ხორხე სამპაოლი საუკეთესო არგენტინის ნაკრებს დაგვპირდა, თუმცა მსგავსი ვერაფერი ვიხილეთ. მართალია, არგენტინელები უპირატესობას ფლობდნენ, მაგრამ გამარჯვება მხოლოდ ბოლო წუთებზე მოიპოვეს.

ანგარიში შეხვედრის მე-14 წუთზე ლეო მესიმ გახსნა, მესის გოლს ვიქტორ მოზესმა 51-ე წუთზე უპასუხა თერთმეტმეტრიანის საშუალებით. ყველაფერს წერტილი მარკოს როხომ დაუსვა, როდესაც მეტოქის საჯარიმოში არსებული გაუგებრობით ისარგებლა და გადამწყვეტი გოლიც შეაგდო – 2-1.

ასე რომ, არგენტინა 1/8-ფინალშია, სადაც მას უძლიერესი საფრანგეთის ნაკრები დაუპირისპირდება.

მსოფლიოს ჩემპიონატი
D ჯგუფი (3 ტური)
არგენტინა – ნიგერია 2-1 (1-0)
გოლები: ლეო მესი 14′, მარკოს როხო 86′ – ვიქტორ მოზესი (პენ.) 51′