სეოკ-ის აღმასკომის სხდომა გაიმართა

თარიღი: ოქტომბერი 17, 2017

17 ოქტომბერს საქართველოს ეროვნული ოლიმპიური კომიტეტის შტაბ-ბინაში გაიმართა აღმასრულებელი კომიტეტის სხდომა, რომელსაც უძღვებოდა სეოკ-ის პრეზიდენტი ლერი ხაბელოვი.

აღმასკომის წევრებმა მოისმინეს ლერი ხაბელოვისა და სეოკ-ის გენერალური მდივნის ემზარ ზენაიშვილის ინფორმაცია ევროპის ზაფხულის XIV ახალგაზრდული ოლიმპიური ფესტივალის შედეგების შესახებ. ეს ფესტივალი გაიმართა უნგრეთის ქალაქ გიორში (2017 წლის 22-30 ივლისი) და წარმატებული გამოდგა საქართველოს ოლიმპიური დელეგაციისთვის. ჩვენმა სპორტსმენებმა უნგრეთში ოქროს 4, ვერცხლის 1 და ბრინჯაოს 4 მედალი მოიპოვეს, გუნდურ ჩათვლაში კი მე-11 ადგილზე გავიდნენ. ამ მაჩვენებლით ჩვენ გავასწარით არაერთ წარმატებულ სპორტულ ქვეყანას, მათ შორის – დიდ ბრიტანეთს, პოლონეთს, ავსტრიას, შვეიცარიას, ასევე – ყველა ყოფილ საბჭოთა რესპუბლიკას.

აღინიშნა, რომ სეოკ-ი ყოველთვის განსაკუთრებული პასუხისმგებლობით ეკიდება ოლიმპიური ფესტივალისთვის მზადებას და შესაძლებლობის მაქსიმუმს აკეთებს მაღალი შედეგების მოსაპოვებლად. წლევანდელი საფესტივალო პროგრამაც უშურველად დაფინანსდა, სეოკ-ის წლიური ბიუჯეტის ლამის ნახევარი ამ საქმეს მოხმარდა და სპორტულ ფედერაციებთან ერთად გაწეულმა შრომამ შესაბამისი შედეგი გამოიღო.

მომხსენებლებმა ხაზი გაუსვეს ძიუდოისტების, მათ შორის – გოგონების წარმატებულ გამოსვლას. აღინიშნა, რომ ბიჭების მსგავსად, ჩვენმა ძიუდოისტმა გოგონებმა ასევე 2 ოქროს მედალი მოიპოვეს. ახალგაზრდული ფესტივალების ისტორიას თუ გადავხედავთ, ძიუდო ჩვენთვის ყოველთვის წამყვანი სახეობა იყო და ეს ტრადიცია ამჯერადაც არ დარღვეულა.

ლერი ხაბელოვის თქმით, ძიუდოისტთა ნაკრებმა ამჯერად მეტის გაკეთება შეძლო, ვიდრე ამას მოველოდით. მან მადლობა გადაუხადა მწვრთნელებს და სპორტსმენებს თავადებული შრომისათვის, ასევე გამოყო ფესტივალის ბოლო დღეს კანოეში აღებული ბრინჯაოს მედალი. მომხსენებლებმა იმ ხარვეზებზეც ისაუბრეს, რაც ახალგაზრდულმა ფესტივალმა გამოაჩინა. ითქვა, რომ სპორტის ზოგიერთი სახეობის წარმომადგენლებმა მოლოდინი ბოლომდე ვერ გაამართლეს.

აღმასკომის სხდომაზე დაისვა საკითხი 2019 წლიდან საქართველოში ახალგაზრდული ოლიმპიური ფესტივალის ჩატარების მიზანშეწონილებაზე. ამ თემაზე უკვე დაწყებულია კონსულტაციები შესაბამის სპორტულ ფედერაციებთან, სპორტისა და განათლების სამინისტროებთან, სხვა დაინტერესებულ ორგანიზაციებთან.

ეროვნული სპორტული ფედერაციების მიერ ოლიმპიური სოლიდარობის პროგრამების გამოყენების პრაქტიკის შესახებ პრეზენტაცია წარადგინა სეოკ-ის საერთაშორისო ურთიერთობების სამსახურის უფროსმა რუსუდან აფციაურმა. მან დაწვრილებით მიმოიხილა ოლიმპიური სოლიდარობის ძირითადი მიმართულებები და პროგრამები, ამ პროცესში საქართველოს ჩართულობა.
ითქვა, რომ სეოკ-ი მაქსიმალურად იყენებს შემოთავაზებულ შესაძლებლობებს და ჩართულია ოლიმპიური სოლიდარობის მეტწილ პროგრამებში. მომხსენებელმა წარმოადგინა განვლილ ოთხწლეულში საერთაშორისო ფონდებთან თანამშრომლობის კონკრეტული მაგალითები, შემდეგ კი შეეხო 2017 წლის უკვე განხორციელებულ პროექტებს, მათ შორის – სპორტსმენთა სასტიპენდიო, მენეჯმენტისა და ადმინისტრირების, მწვრთნელთა განათლების და ტექნიკური კურსების, ოლიმპიური ღირებულებების წარმოჩენის, ახალგაზრდა სპორტსმენთა მზადების და სხვა პროგრამებს.

შემდეგ ლერი ხაბელოვმა და სხვა გამომსვლელებმა ისაუბრეს ოლიმპიური სოლიდარობის პროგრამების მნიშვნელობაზე და სპორტის ეროვნულ ფედერაციებს მოუწოდეს, მაქსიმალურად გამოიყენონ ოლიმპიური სოლიდარობის შესაძლებლობები.
აღმასკომის წევრების წინაშე პრეზენტაციებით წარსდგნენ საქართველოს კარატეს და ნიჩბოსნობის ფედერაციები. კარატეს ფედერაციის პრეზიდენტმა კახა ბასილიამ ვრცლად ისაუბრა სამომავლო გეგმებზე, ქართველი კარატისტების ოლიმპიურ პერსპექტივებზე და გამოთქვა რწმენა, რომ ტოკიოს ოლიმპიადის ლიცენზიანტთა შორის აუცილებლად იქნებიან კარატისტებიც.

როგორც სხდომაზე აღინიშნა, განსაკუთრებით აქტუალურია სათამაშო სახეობების დახმარების პროგრამა, რომლითაც უკვე სარგებლობს საქართველოს ნაკრები შვიდკაცა რაგბიში. საქართველოს რაგბის კავშირის პრეზიდენტმა გოჩა სვანიძემ დამსწრე საზოგადოებას წარუდგინა რაგბის კავშირის ხედვა შვიდკაცა რაგბის განვითარებასთან დაკავშირებით და აღნიშნა, რომ ერთობლივი ძალისხმევით შესაძლებელია და საკმაოდ რეალურია, რომ რაგბის ამ სახეობაში არა მარტო მომავალი წლის ახალგაზრდული ოლიმპიური თამაშების საგზური მოვიპოვოთ, არამედ ტოკიოს ოლიმპიადის ლიცენზიაზეც ვიფიქროთ. ამ საკითხზე დეტალური პრეზენტაცია წარმოადგინა რაგბის აკადემიის ხელმძღვანელმა ზაზა ლეჟავამ. მან ისაუბრა საბაზო გუნდის – საქართველოს ახალგაზრდული ნაკრების წლევანდელ შედეგებზე, მზადების სამწლიან გეგმაზე, საოლომპიადო შესარჩევი ციკლის თავისებურებებზე.

შვიდკაცა რაგბის ოლიმპიური დებიუტი შარშან, რიო დე ჟანეიროში შედგა და ასევე შეტანილია 2020 წლის ოლიმპიური თამაშების პროგრამაში.

სეოკ-ის პრეზიდენტმა ლერი ხაბელოვმა ხაზი გაუსვა სათამაშო სახეობაში ოლიმპიადაზე შესაძლო მონაწილეობის განსაკუთრებულ მნიშვნელობას და საქართველოს რაგბის კავშირს შესთავაზა ერთიანი გეგმის შემუშავება მიზნის მისაღწევად: „ჩვენ მზად ვართ უფრო აქტიურად ამოგიდგეთ მხარში და მეტი ფინანსური რესურსი მოვიზიდოთ საერთო ამოცანის შესასრულებლად. იმედი გვაქვს, რომ სპორტის სამინისტროც მხარს დაგვიჭერს, რათა შეიქმნას შვიდკაცა რაგბის განვითარების და ჩვენი ნაკრების დახმარების ფონდი. იმის იმედიც გვაქვს, რომ ამ საქმეში კერძო სექტორიც შემოგვიერთდება – “ განაცხადა ხაბელოვმა.

აღმასკომის სხდომაზე მოწვეულმა საქართველოს სპორტისა და ახალგაზრდობის საქმეთა მინისტრის მოადგილემ შალვა გოგოლაძემ დაადასტურა, რომ სამინისტრო ასევე ოპტიმისტურად უყურებს შვიდკაცა რაგბის პერსპექტივას და გამოთქვა მზადყოფნა, ამ მიმართულებით მჭიდროდ ითანამშრომლოს ოლიმპიურ კომიტეტთან და რაგბის კავშირთან.
ბოლოს, სეოკ-ის პატრონაჟობით გამართული საერთაშორისო ანტისადოპინგო სემინარის შედეგებისა და მსოფლიო ანტისადოპინგო სააგენტოს კოდექსით აკრძალული სამედიცინო პრეპარატების ჩამონათვალში ცვლილებების შესახებ მოხსენება გააკეთა საქართველოს ანტისადოპინგო სააგენტოს დირექტორმა პავლე კასრაძე.

სხდომის მუშაობაში მონაწილეობდნენ სეოკ-ის პირველი ვიცე-პრეზიდენტი ელგუჯა ბერიშვილი, ვიცე-პრეზიდენტები – ნონო სალუქვაძე და მამუკა ხაბარელი, აღმასკომის სხვა წევრები.

სეოკ-ის პრესსამსახური

მსგავსი სიახლეები
სხვადასხვა

როგორ უპასუხა ალეკსანდრ უსიკმა რუსის პროვოკაციულ კომენტარს Instagram-ში (ფოტო)

23 აგვისტოს უკრაინაში უკრაინის სახელმწიფო დროშის დღე აღინიშნება. ამ დღესთან დაკავშირებით მსოფლიოს ერთ-ერთმა საუკეთესო მოკრივემ, […]...
წაკითხვა
სხვადასხვა

“ციციშვილი” – სტეფანოს ციციპასის ფოტო სოციალურ ქსელში

მსოფლიოს მე-8 ჩოგანმა, ბერძენმა სტეფანოს ციციპასმა ნიუ იორკში ნიკოლოზ ბასილაშვილთან ერთად ვარჯიში გამართა. ვარჯიშის დასრულების […]...
წაკითხვა
სხვადასხვა

ლაშა ტალახაძემ დღეს ახალი მსოფლიო რეკორდი დაამყარა! (ვიდეო)

ქართველმა ძალოსანმა, ლაშა ტალახაძემ დღეს, საქართველოს ჩემპიონატის მიმდინარეობისას, ატაცში 219 კილოგრამი ასწია და ახალი მსოფლიო […]...
წაკითხვა
სხვადასხვა

ტოკიოში 15 ათასს სპორტსმენს ელოდებიან

2020 წლის ოლიმპიური და პარალიმპური თამაშების ორგანიზატორების ცნობით, ტოკიოში დაახლოებით 15 ათასს სპორტსმენს ელოდებიან. „ოლიმპიური […]...
წაკითხვა
სხვადასხვა

საქართველოს ნაკრების მესამე მოგება

საქართველოს გოგონათა ნაკრებმა თბილისის სპორტის სასახლეში მიმდინარე ევროპის ჩემპიონატზე მესამე მატჩი მოიგო – 22-21 დაამარცხა […]...
წაკითხვა
სხვადასხვა

გელა ზაალიშვილის იპონი ზაგრების გრან პრიზე საუკეთესოდ დასახელდა (ვიდეო)

ძიუდოს საერთაშორისო ფედერაციამ გელა ზაალიშვილის მიერ ზაგრების გრან პრის ფინალში შესრულებული ილეთი ტურნირის საუკეთესო იპონად […]...
წაკითხვა
სხვადასხვა

საქართველო მეხუთე ადგილისთვის იბრძოლებს

თბილისის სპორტის სასახლეში, 17-წლამდელ გოგონათა ევროპის ჩემპიონატზე საქართველოს ნაკრები ჯგუფური ეტაპის ბოლო დღეს 18-31 დამარცხდა […]...
წაკითხვა
სხვადასხვა

ზუსტად 3 წლის წინ: ლაშა შავდათუაშვილის ჟესტი რუსი მეტოქის დამარცების შემდეგ (ვიდეო)

2016 წლის რიოს ოლიპიურ თამაშებზე 73კგ წონით კატეგორიაში მოასპარეზე ძიუდოისტმა, ლაშა შავდათუაშვილმა ბრინჯაოს მედალი მოიპოვა. […]...
წაკითხვა
სხვადასხვა

იასპარეზებს თუ არა ტედი რინერი მსოფლიო ჩემპიონატზე – საფრანგეთის განაცხადი ცნობილია

ორშაბათს საფრანგეთის ძიუდოს ფედერაციამ მსოფლიოს 2019 წლის ჩემპიონატისათვის განაცხადი წარადგინა. ფრანგები ტოკიოში გასამართ მსოფლიო პირველობაზე [&hellip...
წაკითხვა
სხვადასხვა

საქართველოს ნაკრების შემადგენლობა 2019 წლის ძიუდოს მსოფლიო ჩემპიონატზე

საქართველოს ძიუდოს ფედერაციამ მსოფლიოს 2019 წლის ჩემპიონატისათვის საქართველოს ნაკრების განაცხადი წარადგინა. საქართველოს ვაჟთა ნაკრები მსოფლიო [&hellip...
წაკითხვა
სხვადასხვა

საქართველოს ნაკრებმა ფინეთი დაამარცხა

საქართველოს გოგონათა ნაკრებმა ევროპის 17-წლამდელთ ჩემპიონატის მეორე მატჩში 23-22 დაამარცხა ფინეთი და ხვალ, თბილისის სპორტის […]...
წაკითხვა
სხვადასხვა

ტალახაძისა და თურმანიძის რეაქცია, როცა მათ PES-ის თამაშისას ტელევიზორი გაუთიშეს (ვიდეო)

საქართველოს ძალოსანთა ნაკრების ექიმმა, გიორგი ჭინჭარაულმა სოციალურ ქსელში სახალისო ვიდეო გამოაქვეყნა. ის ლაშა ტალახაძესა და […]...
წაკითხვა
სხვადასხვა

საქართველო ევროპის 2025 წლის ზამთრის ახალგაზრდულ ოლიმპიურ ფესტივალს უმიზნებს

დღეს გაიმართა საქართველოს ეროვნული ოლიმპიური კომიტეტის აღმასკომის რიგგარეშე სხდომა. დღის წესრიგის მთავარი საკითხი იყო ევროპის […]...
წაკითხვა
სხვადასხვა

ბექა ღვინიაშვილის საქციელი მას შემდეგ, რაც იაპონელმა მეტოქემ ტრავმა მიიღო (ვიდეო)

28 ივლისს, ზაგრების გრან პრიზე, 90 კგ. წონითი კატეგორიის მეოთხედფინალში ბექა ღვინიაშვილი იაპონელ ნაგასავას დაუპირისპირდა. […]...
წაკითხვა
სხვადასხვა

ბასილაშვილმა ჰამბურგის ღია პირველობის მოგების შემდეგ ქართველ გულშემატკივრებს მიმართა (ვიდე

28 ივლისს, ნიკოლოზ ბასილაშვილმა ჰამბურგის ღია პირველობა ზედიზედ მეორედ მოიგო. ქართველმა ჩოგბურთელმა ტურნირის ფინალში რუსი […]...
წაკითხვა