სერია A – მიმოხილვა
ბალოტელის ცრემლები, მშრალი რომაული დერბი და “ვერონას” წარმატება ბოლო წუთებზე სერია A-ს 23-ე ტურში.
მარიოს ემოციები
გასული უიკ-ენდის ერთ-ერთი ყველაზე ემოციური სცენა მარიო ბალოტელის ცრემლები იყო. ნეაპოლში განცდილი მარცხი “მილანის” მორიგი წარუმატებლობა იყო მიმდინარე სეზონში. თუმცა, ზეედორფის გუნდისთვის ყველაფერი კარგად იწყებოდა. მატჩის დებიუტში ტაარაბტმა ლამაზი დარტყმით დააწინაურა სტუმრები, მაგრამ საბოლოოდ “ნაპოლიმ” ყველაფერი სათავისოდ შემოატრილა.
ზეედორფმა ჩემპიონატში პირველი მარცხი იწვნია, რასაც ჰოლანდიელის მიმართ კრიტიკის პირველი ტალღაც მოჰყვა. იტალიური პრესა “მილანის” ქაოტურ თამაშზე საუბრობს და ზეედორფის გუნდის ჩემპიონთა ლიგაზე წარუმატებელ გამოსვლას პროგნოზირებს.
დერბი გოლების გარეშე
რომაულმა დერბი მოლოდინი არ გაამართლა. ტრადიციულად მატჩისგან გოლები წვიმას და უამრავ ემოციას ელოდნენ, თუცმა ყველაფერი ტაბლოზე ორი ნულით დასრულდა. “ლაციომ” მატჩის დებიუტი საკმაოდ კარგად ჩაატარა, მაგრამ შემდეგ საკუთარი კარის უსაფრთხოებაზე გადაერთო და მატჩის ბოლომდე “მგლების” იერიშების მოგერიებაზე ფიქრობდა.
აშკარად ჩანდა, რომ “ლაციო” ფრეზეც თანახმა იყო. “რომამ” კი ლიდერთან ჩამორჩენის შემცირების შესანიშნავი შანსი გაუშვა ხელიდან.
დრამატული ბოლო წუთები
23-ე ტურის მთავარი სენსასცია “იუვენტუსთან” “ვერონას” გადარჩენა იყო. ტურინელები საკმაოდ კომფორტული ანგარიშით იგებნდენ. ორბურთიანი სხვაობა სტუმრებმა ტევესის დუბლით უკვე 21-ე წუთზე მოიპოვეს.
ვერონელებმა ტაიმი ჩაამთავრეს და შეხვედრის გადარჩენა მეორე ნახევრის დებიუტიდან დაიწყეს. 51-ე წუთზე ლუკა ტონიმ სხვაობა შეამცირა და მიმდინარე სეზონში თავისი მეთერთმეტე გოლი გაიტანა. გადამწყვეტი მომენტი კი არბიტრის მიერ კომპენსირებულ დროშ მოხდა. 95-ე წუთზე ხუანიტო გომესმა “ვერონას” ქულა გადაურჩინა.
08/02/14
ფიორენტინა 2-0 ატალანტა
გოლები: ილიჩიჩი 16′ ; ვოლსკი 86′
უდინეზე 3-0 ნაპოლი
გოლები: დი ნატალე 56′ ; ბურნო ფერნანდესი 74′ ; აგიემანგ ბადუ 86′
ნაპოლი 3-1 მილანი
გოლები: ტაარაბტი 8′ (0:1); ინლერი 11′ (1:1); იგუაინი 56′ 82′ (3:1)
09/02/14
ტორინო 1-2 ბოლონია
გოლები: იმობილე 5′ (1:0); კრისტალდო 11′ ; 24′ (1:2)
სამპდოია 1-0 კალიარი
გოლი: გასტადელო 11′
პარმა 0-0 კატანია
ლივორნო 0-1 ჯენოა
გოლები: ანტონელი 10′
ვერონა 2-2 იუვენტუსი
გოლები: ტევესი 4′ ; 21′ (0:2); ტონი 52′ (1:2); გომესი 90+5′ (2:2)
ლაციო 0-0 რომა
ინტერი 1-0 სასუოლო
გოლი: სამუელი 48′
