სერხი რობერტო მადრიდელებს აფრთხილებს: “ბარსა” სხვაობას შეამცირებს”
“ბარსელონას” ცენტრალურ მცველს, სერხი რობერტოს სჯერა, რომ კატალონიური კლუბი პრობლემების მოგვარებასა და ძველ ფორმაში დაბრუნებას შეძლებს.
“კლასიკოში” გამარჯვებას ჩვენ ვიმსახურებდით. საკმაოდ ბევრი შანსი შევქმენით, მაგრამ “რეალთან” მატჩში ასეთი რაღაცეები ხდება ხოლმე.” – განაცხადა რობერტომ, რომლის გუნდიც მომავალ მატჩს “გლადბახის” წინააღმდეგ გამართავს.
“მათთან თამაშისას, მოდუნება მომაკვდინებელია, რადგანაც ბოლო წუთებზე მათ საკმაოდ ბევრი გოლი გააქვთ, განსაკუთრებით კი რამოსს. არ გაგვიმართლა ბოლოსკენ გოლი რომ ვერ გავიტანეთ, თუმცა ამაზე აღარ უნდა ვიფიქროთ.
შეგვეძლო “რეალთან” არსებული ჩამორჩენა შეგვემცირებინა, მაგრამ სხვაობა არც ისე დიდია და მჯერა, რომ თუ 100 პროცენტით მოვინდომებთ, “ბარსა” სხვაობას აუცილებლად შეამცირებს.”
შეგახსენებთ, რომ ლა ლიგის სატურნირო ცხრილის ლიდერ “რეალსა” და “ბარსას” შორის სხვაობა 6 ქულაა.
