სერხიო აგუერო: “ზლატანს ნამდვილად არ ვეჯიბრები”

“მანჩესტერ სიტის” არგენტინელმა თავდამსხმელმა, სერხიო აგუერომ განაცხადა, მისი მთავარი კონკურენტი საკუთარი თავია და არა ზლატან იბრაჰიმოვიჩი, რომელსაც მის მსგავსად, 3 გოლი აქვს გატანილი პრემიერ ლიგის ახალ სეზონში.

“ორივემ, მეც და იბრაჰიმოვიჩმაც სეზონი მშვენივრად დავიწყეთ, ორივეს გაგვაქვს გოლები. მაგრამ, მის კონკურენტად ყოფნას არ ვაპირებ. მე ჩემს თავს ვეჯიბრები. ვცდილობ, რომ მაქსიმალურად გავაძლიერო საკუთარი თავი.

თუ შევძლებ იმაზე მეტის მიღწევას, რასაც გასულ სეზონში მივაღწიე, მაშინ განვაგრძობ გაზრდას, როგორც ფეხბურთელი. სწორედ ეს არის ჩემი მიზანი.

“მანჩესტერ სიტიში” მოსვლის დღიდან, ჩემი მიზანი ტიტულების მოგებაა. მთავარი ჩემპიონთა ლიგაა, რასაც პრემიერ ლიგა და სხვა ტიტულები მოჰყვებიან.”