სერჟი რობერტო: “ვიცოდით, რომ “რეალი” ჩემპიონობისთვის ბოლომდე იბრძოლებდა”

თარიღი: თებერვალი 12, 2019

კატალონიის “ბარსელონას” მცველმა, სერჟი რობერტომ, აღიარა, რომ “ბლაუგრანას” ფეხბურთელები მადრიდის “რეალისგან” ასეთი დონის წინააღმდეგობას ელოდნენ. შეგახსენებთ, რომ “ბლანკოსმა” ბოლო ტურში კატალონიურ გრანდთან სხვაობა 6 ქულამდე შეამცირა.

“ვიცოდით, რომ “რეალი” ჩემპიონობისთვის ბოლომდე იბრძოლებდა. ახლა “ატლეტიკოსაც” გადაასწრეს და კარგ ფორმაშიც იმყოფებიან, თუმცა პირველ პოზიციას ჩვენ ვიკავებთ და ეს უპირატესობა ბოლომდე უნდა შევინარჩუნოთ.

ბოლო ორი ფრე? რაც მთავარია, 6-ქულიან უპირატესობას ვფლობთ და კოპა დელ რეის ნახევარფინალში ვიმყოფებით. ასე რომ, ამ ეტაპზე ყველაფერი კარგად მიდის,” – აცხადებს სერჟი რობერტო.

როგორც იცით, კოპა დელ რეის ნახევარფინალში “ბარსელონას” მეტოქე სწორედ მადრიდის “რეალი” გახლავთ. პირველი მატჩი “კამპ ნოუზე” ფრედ, 1-1 დასრულდა. განმეორებითი მატჩი კი 27 თებერვალს უნდა ჩატარდეს.

მსგავსი სიახლეები