სეტიენს ტიტულის სეზონის ჩაშლის ხარჯზე მოგება არ სურს

ესპანეთის ხელისუფლებას საფეხბურთო სეზონის გაგრძელებასთან დაკავშირებით გადაწყვეტილება ჯერაც არ მიუღია. ამ საკითხთან დაკავშირებით კომენტარი “ბარსელონას” მთავარმა მწვრთნელმა, კიკე სეტიენმა, გააკეთა.

“არ მინდა ტიტული ამგვარად მოვიგოთ. თუმცა ლოგიკურია, რომ თუ სეზონის დასრულება ვერ მოხერხდება, სატურნირო ცხრილი ისე უნდა დარჩეს, როგორც შეწყვეტის მომენტში იყო.

ჩემი აზრით, ყველას უნდა, რომ სეზონი ჩავამთავროთ. ჩვენი მიზანი ყელა დარჩენილი მატჩში გამარჯვების მოპოვება და ლა ლიგის მოგებაა. ანალოგიური ვითარებაა ჩემპიონთა ლიგის შემთხვევაშიც,” – აცხადებს სეტიენი.

შეგახსენებთ, რომ სეზონის შეწყვეტის მომენტში “ბარსელონა” სატურნირო ცხრილის სათავეში ორქულიანი ჰანდიკაპით იმყოფებოდა.