“სევილიამ”, შესაძლოა, ბარტრა იჯარით აიყვანოს

არაა გამორიცხული, 24 წლის ფეხბურთელმა სამუშაო ადგილი შეიცვალოს.

როგორც Sport.es იტყობინება, უახლოესი ზამთრის სატრანსფერო ფანჯრის პერიოდში, შესაძლოა, “ბარსელონას” ცენტრალური მცველი მარკ ბარტრა “სევილიას” რიგებს შეუერთდეს.

ანდალუსიელებს იანვარში ახალგაზრდა მცველის ნახევარწლიანი იჯარით აყვანა, ზაფხულში მისი გამოსყიდვის უფლებით, სურთ.

“სევილიას” ხელმძღვანელობამ ეს გადაწყვეტილება მარკო ანდრეოლის გამო მიიღო, რომელიც მძიმე დაზიანების გამო მოედანზე გასვლას დიდი ხნით ვერ შეძლებს.

აღსანიშნავია, რომ კატალონიელთა შემადგენლობაში ბარტრას ძირითადი ადგილი არ უკავია. მიმდინარე სეზონში მან ჯერჯერობით 14 მატჩის ჩატარება მოასწრო, ერთი ბურთი გაიტანა და ერთი საგოლე პასიც გააკეთა.