“სევილიასთან” მოგების მიუხედავად, მარკიზიო “იუვესგან” უფრო მეტს ითხოვს

“იუვენტუსის” იტალიელი ნახევარმცველი, კლაუდიო მარკიზიო თვლის, რომ ტურინელებბს მეტი მოეთხოვებათ, მიუხედავად იმისა, რომ მათი ამჟამინდელი ფორმა საკმარისად კარგია, “სევილიას” “სანჩეს პისხუანზე” დასამარცხებლად.

“უკეთ უნდა ვითამაშოთ, ეს მოგვეთხოვება, რადგანაც ამის კეთების საშუალება გაგვაჩნია. გაცილებით უკეთ შეგვიძლია თამაში არსებული რესურსის გამოყენებით.

აქ თამაში ძალიან რთული იყო, ფანები თავიანთ საქმეს ბრწყინვალედ აკეთებდნენ, მაშინაც კი, როდესაც მესამე გოლი გავიტანეთ.

მოგებით ბედნიერი ვარ, მაგრამ ის ფაქტი მაბრაზებს, რომ ბოლო წუთებზე მეტოქეს ბურთის ფლობისა და კუთხურის მოპოვების შანსს ვაძლევთ, მაშინ როცა მეორე სართულზე თამაში მათი მთავარი კოზირია. გოლიც ასე გავუშვით, ეს აღარ უნდა განმეორდეს.”