#შაბათის ევროტური: რონალდუს პერფრომანსი, ჰიდინკის რეკორდი და დღის სხვა მთავარი ამბები
შაბათი, 2016 წლის 5 მარტი: დღე, როდესაც “ასტონ ვილამ” სწორედ იმდენი გაიტანა, რამდენიც “პარის სენ-ჟერმენმა”, “ბაიერნმა” და “ბორუსიამ”.
ინგლისი. მოიგო კი “ლესტერმა”?
დიახ. როგორც იცით, “ლესტერის” ლიდერ, რიად მარეზი ბოლო დროს მოედანს გოლის ან ასისტის გარეშე არ ტოვებს, რაც გუნდზე უდიდეს გავლენას ახდენს. შაბათის გმირიც სწორედ ალჟირელი ფეხბურთელი აღმოჩნდა, რომელმაც ბრწყინვალე გოლი გაუტანა “უოტფორდის” მეკარეს, გომესს. 0-1. “ლესტერი” პირველზეა.
ინგლისურ გრანდებს განსაკუთრებით აშინებთ ის ფაქტი, რომ “ლესტერმა” პირველ ნომრად თამაში ისწავლა – კარგა ხანია, რაც მათი ბურთის ფლობის მაჩვენებელი 50%-ს სცილდება. გარდა ამისა, “უოტფორდთან” მატჩში მათი გადაცემების 73% აღმოჩნდა ზუსტი. საბოლოო ჯამში კი “მელიებმა” მასპინძლებს 13 სახიფათო შეტევა აკმარეს.
Another great result!
RT for love for Dilly Don Ranieri!#lcfc #Ranieri pic.twitter.com/XIiMlI6wrI
— Claudio Ranieri (@DonRanieri) March 5, 2016
დღეისათვის “ლესტერი” წარმოადგენს მონსტრს, რომელსაც ჩამოყალიბება ჯერ კიდევ არ დაუსრულებია, ისინი ჯერ კიდევ ვითარდებიან და იძენენ ახალ ძალებს. გასულ სეზონში “მელიების” შემოსავალი რეკორდულ მაჩვენებელს მიუახლოვდა, კიდევ უფრო მეტი იქნება წელს. შესაბამისად ჩემპიონთა ლიგისთვის “ლესტერმა” შესაძლოა რამოდენიმე სუპერტრანსფერიც განახორციელოს. .
და კიდევ: – “ლესტერმა” ისტორიაში პირველად მოახერხა პრემიერ ლიგის ერთ სეზონში 17 მოგების დაგროვება.
ინგლისი. მოიგო კი ან “ტოტენჰემმა”? ან “არსენალმა”?
ნამდვილად არა. რა მოხდა ჩრდილო-ლონდონურ დერბიში: რემზიმ ნამდვილი შედევრი შემოგვთავაზა (გოლი ცხრიანში); გააძევეს კოკლენი (ფლანგზე კეინის წესების დარღვევით შეჩერებისთვის); ალდერვეირელდის გოლი კუთხურის შემდგომ; კეინის ბრწყინვალე ‘პარაშუტი’; ალექსის სანჩესის პროფესიონალური გოლი (პირველი გოლი პრემიერ ლიგაში ოქრომბრის შემდგომ) და მსაჯის შეცდომა (დაიერი უნდა გაეგდო).
სულ ესაა – 2:2. ვენგერმა მატჩის შემდოგმ კვლავ განაგრძო საუბარი ჩემპიონობის შანსებზე (14 წელია ამაზე ლაპარაკობს). მაურისიო პოჩეტინო კი ბედნიერია იმით, რომ “მამლები” “მეთოფეებზე” მაღლა იმყოფებიან სატურნირო ცხრილში. არც ერთს მოუგია და არც მეორეს, ერთადერთი ვინც მოიგო იყო კლაუდიო რანიერი, რომლის თვალებიც კიდევ უფრო გაბრწყინდა პრემიერ ლიგის ტიტულის მოლოდინში.
Arsenal after 29 games: 13/14 – 62 points 14/15 – 59 points 15/16 – 52 points The team is actually regressing!#WengerOut — #WengerOut ❄ (@ExcitableExpert) March 5, 2016
და კიდევ:
• ინგლისში მხოლოდ 4-ჯერ მოხდა, რომ გუნდი რომელიც ჩემპიონატის დასრულებამდე 9 ტურით ადრე 5 ქულიან ჰანდიკაპს ფლობდა ჩემპიონი ვერ გახდა. ბოლოს მსგავსი რამ ორი წლის წინ მოხდა, როცა “ლივერპული” მეორეზე გავიდა.
• ჰარი კეინს ბოლო 4 დერბიში 3 გოლი აქვს გატანილი.
• რემზის მიერ გატანილი გოლი პირველი შემთხვევა იყო, როცა იმ მატჩში “მეთოფეებმა” კარში დაარტყეს.
ინგლისი. წააგო კი ჰიდინკმა?
არა. თუმცა არც მოუგია.
“სტოკ სიტი” მთელი პირველი ტაიმის განმავლობაში ჯაბნიდა “ჩელსის”, აქიდან გამომდინარე გოლი სრულიად ალოგიკური იყო. გოლი ასე გავიდა: ნემანია მატიჩმა უეცრად მოიპოვა ბურთი (იშვიათია ამ სეზონში), გადააწოდა ადამ ტრაორეს, რომელმაც ბრწყინვალე დარტყმით გახსნა ანგარიში, 1:0.
“ჩელსი” მატჩის მეორე ნახევარში თავს საკმაოდ კარგად იცავდა. თუმცა მატჩის მიწურულს “სტოკმა” მაინც მოახერხა გატანა : შაქირიმ საკმაოდ კარგად ჩააწოდა, კურტუას ბურთის მუშტებით მოგერიება მოუწია, რის შემდგომაც ბურთი დიუფს მიუვიდა, რომელმაც თავით ანგარიში გაათანაბრა 1:1.
კარგი ამბავი: ჰიდინკის ბიჭები 12 მატჩია არ დამარცხებულან.
ცუდი ამბავი: “ჩელსი” ცხრილის შუაგულშია გაჭედილი.
ინგლისი. განადგურდა “ასტონ ვილა”?
რა თქმა უნდა.
მატჩის პირველი ტაიმი ფრედ, 0:0 დამთავრდა. ძნელი მისახვედრი არ არის, როგორი ამაყი შევიდოდა რემი გარდი გასახდელში. სადაც ის გაიმეორებდა იმ სიტყვებს, რომელიც მხატვრულ ფილმ “გოლშია” ნახსენები: ” ეს არის მატჩი რომელიც ყველაფერს გადაწყვეტს … ჩვენ მათზე ცუდები არ ვართ … თქვენ შეგიძლიათ მოიგოთ და დაიწყოთ ახალი ერა.”
ოცნებები მალევე დაიმსხვრა. 48′ – ტურემ ანგარიში გახსნა; 50′ – აგუერომ ორი მცველი და მეკარე დაჯაბნა 0-2; 59′ – აგუერომ დუბლი გაიფორმა; 66′ – რაჰიმმა ყველაფერი დაასრულა.
Man City 4-0 Aston Villa FT:
Possession: 65%-35%
Chances created: 13-0
Shots: 21-2
Pass accuracy: 91%-77% pic.twitter.com/ViCDRxDJxn— Squawka Football (@Squawka) March 5, 2016
და კიდევ:
• აგუერომ პენალტი ვერ გაიტანა, ვარდი კვლავ მის წინ დგას. • “სიტიში” დებიუტის შემდგომ დავიდ სილვამ 55 ასისტი ჩაიწერა აქტივში – 11-ით მეტი, ვიდრე სხვამ.
და კიდევ რა მოხდა ინგლისში: • “ევერტონი” სულ მალე გამოუშვებს წიგნს : ‘როგორ წავაგოთ მოგებული მატჩი’. “კამფეტებმა” “ჩაქუჩებთან” 2-ბურთიანი ჰანდიკაპი 10 წუთში გააქარწყლეს და “ვესტ ჰემი” წინ გაუშვეს. 2:3. • “ევერტონს” პრემიერ ლიგის ისტორიაში ყველაზე მეტი წიტელ იბარათი აქვს მიღებული – 82.
ესპანეთი. აიწყვიტა რონალდუმ?
ნამდვილად. “სელტასთან” გაფორმებული პოკერის წყალობით, რონალდუ ლა ლიგის ისტორიაში მეორე საუკეთესო ბომბარდირი გახდა. ამასთანავე მან ბომბარდირთა დავაში გადაუსწრო ლუის სუარესსაც. პორტუგალიელმა ორი ისეთი გოლი გაიტანა, რომლისაც 27 წლის კრიშსაც შეშურდებოდა.
. @GeniusFootball here’s Ronaldo’s goalpic.twitter.com/zGJrK0YHWv Saved a click — ClickBait Expose (@ClickBaitExpose) March 5, 2016
კიდევ რამოდენიმე ფაქტი ამ მატჩის შესახებ:
• საბოლოო ანგარიში – 7:1, მადრიდელთა სასარგებლოდ.
• ბეილი დაბრუნდა და გაიტანა კიდეც.
• ხესემაც გაიტანა.
• პეპემაც კი.
ГООООЛ! Пепе, Пепе забивает гол!
►https://t.co/UrhoRxqT2d pic.twitter.com/J5oCPFePgk— Eurosport.ru (@Eurosport_RU) March 5, 2016
რა მოხდა გერმანიაში:
დორტმუნდელებს საკმაოდ კარგი შანსი ჰქონდათ “ბაიერნთან” სხვაობა 2 ქულამდე შეემცირებინათ, თუმცა ეს ვერ მოახერხეს. ძალიან სამწუხაროა, მაგრამ მატჩი, სადაც ასეთი დონის ვარსკვლავები მონაწილეობდნენ 0:0 დასრულდა. “სიგნალ იდუნა პარკზე” შეკრებილი 80 000 მაყურებელი შინ უკმაყოფილო დაბრუნდა. ერთადერთი რამ, რამაც მათი გამხიარულება შესძლო არის გვარდიოლასაც და კიმიხს შორის გამართული დიალოგი:
“Nobody cares how much you know, until they know how much you care” Guardiola lecture to Kimmich (Credit: @CoachWG) pic.twitter.com/aBiAhTXwBu — Footy Accumulators (@FootyAccums) March 5, 2016
• “ბორუსიამ” “ბაიერნის” კარის აღება ბოლო 3 საშინაო მატჩში ვერ შესძლო.
• “ვოლფსბურგმა” “მიუნჰენგლადბახის ბორუსია” დაამარცხა (2:1) – დრაქსლერმა სეზონის მეხუთე გოლი გაიტანა.
რა მოხდა იტალიაში:
• “კიევომ” ნეაპოლელებს მატჩის დაწყებისთანავე ‘უპრწკინა’, თუმცა შედეგად 3 უპასუხო გოლი მიიღეს, რომელთაგან ერთ-ერთი იტალიური სერია ა-ს საუკეთესო ბომბარდირმა, გონსალო იგუაინმა გაიტანა.
რა მოხდა საფრანგეთში:
• “პარის სენ-ჟერმენმა” და “მონპელიემ” ისეთივე შედეგით დაასრულეს მატჩი, როგორიც “ბაიერნმა” და “ბორუსიამ” უახლოეს მომავალში “პსჟ” ჩემპიონი გახდება. უნდათ კი ასეთი აღნიშვნა?
