შერინგემი “ტოტენჰემს” აფრთხილებს: “კეინი ბევრს არ მოითმენს”

ლონდონის “ტოტენჰემის” ყოფილი ფეხბურთელი ტედი შერინგემი “სპურსს” აფრთხილებს, რომ ტიტულების მოგების გარეშე ჰარი კეინის შენარჩუნება ძალიან გაუჭირდებათ.

“სავსებით ბუნებრივია, რომ ჰარის ტიტულების მოგების სურვილი გააჩნია. მისი დონის ფეხბურთელს ყოველთვის უმაღლეს დონეზე თამაშის მოთხოვნილება აქვს.

“ტოტენჰემის” ახალ სტადიონზე გადასვლა დიდი მოტივატორი იქნება როგორც გუნდისთვის, ასევე ჰარი კეინისთვის, თუმცა ეს საკმარისი არ გახლავთ. გუნდმა რამე უნდა მოიგოს.

ამ დროისთვის, ისინი ოთხეულთან ახლოს არიან. ვფიქრობ, რომ ჰარი კეინისთვის ეს საკმარისი საერთოდ არ არის. ის ბევრს არ მოითმენს. ერთ დღესაც იტყვის რომ ეს ყველაფერი მობეზრდა და ახალ დონეზე სურს გადასვლა. ფეხბურთელისთვის დრო ძალიან სწრაფად მიფრინავს,” -აცხადებს შერინგემი.