შესაძლოა, ლეგიონერებს რუსულ კლუბებთან კონტრაქტების გაწყვეტის უფლება მიეცეთ
შესაძლოა, რუსეთის ჩემპიონატის კლუბებში მოთამაშე ლეგიონერებს კონტრაქტების ანულირების შესაძლებლობა მიეცეთ.
პროფესიონალ ფეხბურთელთა საერთაშორისო ასოციაციამ ფიფას მიმართა წინადადებით, რომ რუსეთის პრემიერლიგის ლეგიონერებს ყოველგვარი ჯარიმის გარეშე კლუბებთან მოქმედი შრომითი ხელშეკრულებების გაწყვეტის უფლება მიეცეთ.
“აუცილებელია, რომ ეს ღონისძიება მაქსიმალურად სწრაფად განხორციელდეს. მზარდი კონფლიქტი ხდება მიზეზი, რომ ფეხბურთელებს კლუბებთან ყოველგვარი ჯარიმის გარეშე კონტრაქტების გაწყვეტის უფლება მიეცეთ. ამ საკითხს ფიფასთან განვიხილავთ. ორი წლის წინ კორონავირუსული პანდემიის გამო ფიფამ დროებით სატრანსფერო წესის კორექტირება მოახდინა. ფიფას ხელმძღვანელობას საგანგებო სიტუაციებში წესების შეცვლა შეუძლია. დღეს არსებული სიტუაციის გათვალისწინებით, გვჯერა, რომ ფეხბურთელებს ქვეყნიდან თავისუფლად გასვლის უფლება უნდა მიეცეთ”, – ციტირებს პროფესიონალ ფეხბურთელთა საერთაშორისო ასოციაციის დირექტორთა საბჭოს წევრის, ლუის ევერარდის სიტყვებს ნიდერლანდური გამოცემა “ვოტბალ ინტერნეიშენალი”.
აღნიშნულ თემაზე კომეტარი გააკეთა ყაზანის “რუბინის” მთავარმა მწვრთნელმა ლეონიდ სლუცკიმ, რომელიც ხვიჩა კვარაცხელიას წვრთნის:
“რუბინს” ცოტა ჰყავს თავისი აღზრდილები? ლეგიონერებთან ეს თემა განვიხილეთ. შევთანხმდით, რომ სანამ სიტუაცია ამის საშუალებას მოგვცემს, ყველანი ერთად ვიქნებით”.
