შირერი: “ინგლისი მთელი საფეხბურთო სამყაროს დასაცინი გახდა”

ინგლისის ნაკრების ყოფილმა თავდამსხმელმა ალან შირერმა სემ ელერდაისის გარშემო განვითარებულ მოვლენებს გამოეხმაურა. შეგახსენებთ, რომ სკანდალის გამო 61 წლის სპეციალისტი ინგლისის ნაკრების მთავარი მწვრთნელის პოსტიდან გაათავისუფლეს.

“ძალიან გაბრაზებული ვარ. ევრო-2016-ზე ისლანდიის ნაკრებთან განცდილი მარცხის შემდეგ დარწმუნებული ვიყავი, რომ ინგლისის ეროვნული გუნდი ამაზე ქვემოთ არ დაეშვებოდა, მაგრამ შევცდი. ინგლისი მთელი საფეხბურთო სამყაროს დასაცინი გახდა.

ამ სიტუაციიდან გონივრულად უნდა გამოვიდეთ. ყველა ჩვენ დაგვცინის, ინგლისი დასაცინი გახდა.

სემ ელერდაისს ძალიან უნდოდა ინგლისის ნაკრების თავკაცის პოსტზე მუშაობა, მაგრამ მალევე დაუშვა ძალზედ სერიოზული შეცდომა. ამაში მხოლოდ საკუთარი თავი უნდა დაადანაშაულოს”, – ციტირებს შირერის სიტყვებს “ბიბისი”.