შირერი: “კეინმა “ტოტენჰემი” უნდა დატოვოს”

თარიღი: მარტი 26, 2020

პრემიერ ლიგის ლეგენდა ალან შირერი მიიჩნევს, რომ თუ ჰარი კეინის “ტოტენჰემი” მომდევნო ერთი წლის მანძილზე ტიტულების მოგებას ვერ შეძლებს, ინგლისელ ვარსკვლავს კლუბის დატოვება მოუწევს.

“ჩემი აზრით, თუ ის მომდევნო 12 თვის მანძილზე კლუბთან ერთად ვერაფერს მოიგებს, კეინმა “ტოტენჰემი” უნდა დატოვოს. ვფიქრობ, ერთ წელს კიდევ მოიცდის და თუ არაფერი გამოვა, წავა,” – აცხადებს შირერი.

ამ დროისთვის ჰარი კეინს პრემიერ ლიგაში 136 გოლი აქვს გატანილი, რაც 124 გოლით ჩარმორჩება ყველა დროის საუკეთესო მაჩვენებელს, რომელიც სწორედ “ნიუკასლის” ლეგენდას ეკუთვნის.

“თუ ფორმაში იქნება, ის აუცილებლად შეძლებს ამ რეკორდის დამხობას, იქნება ეს “სპურსში” თუ სხვა კლუბში. ძალიან ბევრი “თუ” არსებობს, მაგრამ მას ამის ძალა შესწევს,” – დაამატა შირერმა.

მსგავსი სიახლეები