შოთა არველაძემ “ტრაბზონსფორს” თურქეთის ჩემპიონობა მიულოცა

“ჰალ სიტის” მთავარმა მწვრთნელმა შოთა არველაძემ თავის ყოფილ გუნდ “ტრაბზონსფორს” თურქეთის ჩემპიონობა მიულოცა.

“ტრაბზონსფორს” თურქეთის სუპერლიგის მოგებას ვულოცავ. ძალიან გახარებული ვარ ყველა თანამშრომლისა და ქომაგის გამო! ჩვენმა თაობამ ეს ვერ შეძლო… მაგრამ გუნდმა საოცარ შედეგს მიაღწია და ბევრი ფანი გაახარა. წარმოუდგენელი სეზონია, ტრაბზონით ვამაყობ!” – დაწერა სოციალურ ქსელში შოთა არველაძემ.

შეგახსენებთ, რომ ტყუპი არველაძეები “ტრაბზონსფორის” ღირსებას 1993–1997 წლებში იცავდნენ. ამ პერიოდის განმავლობაში გუნდმა თურქეთის თასი და სუპერთასი მოიგო.

“ტრაბზონსფორი” თურქეთის ჩემპიონი 1984 წლის შემდეგ პირველად გახდა. ეს გუნდის მეშვიდე საჩემპიონო ტიტულია.