შოტლანდიაში საუკეთესო ჯერარდია

გლაზგოს “რეინჯერსის” თავკაც სტივენ ჯერარდს შოტლანდიის სეზონის საუკეთესო მწვრთნელის ჯილდო გადაეცა.

40 წლის ინგლისელმა სპეციალისტმა გუნდთან ერთად შოტლანდიის ჩემპიონობა უკვე გაინაღდა. “რეინჯერსმა” 37 ჩატარებულ შეხვედრაში 31 გამარჯვება მოიპოვა, 6-ჯერ ფრედ ითამაშა, გაიტანა ყველაზე მეტი გოლი (88) და მიიღო ყველაზე ნაკლები (13).

სტივენ ჯერარდმა მოთამაშის თითქმის მთელი კარიერა მშობლიურ “ლივერპულს” მიუძღვნა. ის მერსისაიდული გუნდის ღირსებას 1998-დან 2015 წლამდე იცავდა, რის შემდეგაც “ლოს ანჯელეს გალაქსის” მიაშურა, სადაც 2016 წელს ბუცები ლურსმანზე დაკიდა. მან სამწვრთნელო კარიერა “ლივერპულის” აკადემიაში დაიწყო, 2018 წელს კი “რეინჯერსი” ჩაიბარა.