სიმეონე: “ატლეტიკოს” სიძლიერით მხოლოდ ოთხი კლუბი სჯობს”

მადრიდის “ატლეტიკოს” მთავარმა მწვრთნელმა დიეგო სიმეონემ TyC Sports-ისთვის მიცემულ ინტერვიუში იმის შესახებ ისაუბრა, ჰქონდა თუ არა სხვა კლუბებისგან შემოთავაზებები.

“ჩემთვის “ატლეტიკო” ყოველთვის პრიორიტეტულია. გარდა ამისა, ბევრი კლუბი არ არის, რომელიც სპორტული თვალსაზრისით გვჯობს. “რეალი”, “ბარსელონა”, “ბაიერნი”, შესაძლოა, “ჩელსიც”, შემდეგ კი ჩვენ ვართ.

ფინანსური თვალსაზრისით “ატლეტიკო” საუკეთესო კლუბთა 15-ეულში შედის”, – განაცხადა სიმეონემ.

შეგახსენებთ, რომ არგენტინელმა სპეციალისტმა “ატლეტიკოსთან” კონტრაქტი 2020 წლამდე გაახანგრძლივა.