სიმეონე: “სტუმრებმა დაგვანახეს, რომ ისინი ძალიან სახიფათონი არიან”

მადრიდის “ატლეტიკომ” ჩემპიონთა ლიგის მეოთხედფინალში “ლესტერი” მიიღო და მეტოქე ანტუან გრიზმანის ერთადერთი გოლის წყალობით დაამარცხა.

წარმატებული გამოსვლის შემდეგ მადრიდელთა თავკაცმა, დიეგო პაბლო სიმეონემ პრესკონფერენცია გამართა.

“მნიშვნელოვანი გამარჯვება მოვიპოვეთ. კარგია, რომ განმეორებითი შეხვედრის წინ უპირატესობა გვაქვს. ლესტერში თამაში ყველას უჭირს.”

“სტუმრებმა დაგვანახეს, რომ ისინი ძალიან სახიფათონი არიან. მეორე მატჩში კიდევ უფრო ფრთხილად უნდა ვიყოთ.”

“უფრო მეტი მსურდა, თუმცა ძალაინ აგრესიუალად არ ვითამაშეთ, რაც შედეგზე აისახა. გრიზმანმა მნიშვნელოვან მომენტში აიღო თავის თავზე პასუხისმგებლობა და გამარჯვება მოგვიტანა.”

“მომავალი შეხვედრა ძალიან გახსნილი იქნება. “მელიებს” მათი გულშემატკივრები გაუმაგრებენ ზურგს, თუმცა შემდეგ ეტაპზე აუცილებალდ უნდა გავიდეთ!” – განაცხადა დიეგო სიმეონემ.