სიმეონე: “თავს ვერ გავიმართლებთ”

მადრიდის “ატლეტიკოს” მთავარმა მწვრთნელმა, დიეგო სიმეონემ ჩემპიონთა ლიგის მეოთხედფინალში “ლაიფციგთან” განცდილი მარცხის (1:2) შემდეგ კომენტარი გააკეთა.

არგენტინელმა სპეციალისტმა გერმანული გუნდი შეაქო და გამარჯვება მიულოცა.

“ბოლომდე დავიხარჯეთ. ჩვენთვის ორთაბრძოლების მოგება რთული იყო, რადგან მეტოქე უფრო სწრაფად მოქმედებდა. გრძელი წელიწადი გამოვიდა, 60-დღიანი პაუზა გვქონდა. ისე ვერ ვითამაშეთ, როგორც გვსურდა. “ლაიფციგი” მომეწონა. ისინი ძალიან მონდომებულები, ენთუსიაზმით სავსე და გამორჩეულები იყვნენ. თავს ვერ გავიმართლებ. ვულოცავ მეტოქეს”, – განაცხადა სიმეონემ.