სირბილაძემ ინტერს მოაგებინა

ფინეთის უმაღლესი ლიგის (ვაიკაუსლიგა) მე-11 ტურის შეხვედრაში ირაკლის სირბილაძის “ინტერ ტურკუმ” საკუთარ მოედანზე “ტპს”-ს უმასპინძლა და დაძაბულ შეხვედრაში მოახერხა სამი ქულის მოპოვება.

ანგარიში 24-ე წუთზე სტუმრებმა ტამინენის გოლით გახსნეს. წონასწორობის აღდგენა “ინტერმა” მეორე ნახევარში, 58-ე წუთზე, ფრანსის სუარესის გოლით მოახერხეს.

შეხვედრაში გადამწყვეტი ბოლო წუთი აღმოჩნდა. მატჩი უკვე მთავრდებოდა, როდესაც ირაკლი სირბილაძემ ზუსტი დარტყმის შესრულება მოახერხა და საკუთარ გუნდს მნიშვნელოვანი გამარჯვება მოუტანა.

11 ტურის შემდეგ “ინტერი” 14 ქულით მერვე ადგილზე იმყოფება.