სისე მზადაა, ლიგა 1-ში მეასე გოლის გასატანად უხელფასოდ ითამაშოს

“ლივერპულისა” და საფრანგეთის საფეხბურთო ნაკრების ყოფილ შემტევ ჯიბრილ სისეს ლიგა 1-ში ასგოლიანი ნიშნულის დაპყრობა სურს. სისემ საფეხბურთო კარიერა 2015 წელს ტრავმის გამო დაასრულა.

“თავდამსხმელებს ძალიან უყვართ გოლების გატანა. განსაკუთრებით დიდ მნიშვნელობას კი რიცხვებს ვანიჭებთ – 25, 50, 75 გოლი… პირადად მე ყველაზე მეტად 100-გოლიანი ნიშნული მიზიდავს.

კარიერის დასრულების გამო 96 გოლზე ვარ გაჩერებული. სულ რაღაც 4 გოლი მაკლია და სიმართლე გითხრათ ეს მაგიჟებს! ძალიან მიზანდასახული ვარ, ყველაფერს ვაკეთებ მიზნის მისაღწევად.

დიდი სიამოვნებით დავბრუნდებოდი ლიგა 1-ში. თუ რომელიმე კლუბს ჩემი აყვანის სურვილი აქვს, შემიძლია, ორი-სამი თვე მათთვის უხელფასოდ ვითამაშო,” – აცხადებს 38 წლის ჯიბრილ სისე.