სისინიო: “კასილასი “რეალის” გასახდელს აკონტროლებდა”
ბრაზილელიელმა ფეხბურთელმა, სისინიომ, რომელიც 2005-2007 წლებში “რეალის” შემადგენლობაში გამოდიოდა, ჟურნალისტებთან ისაუბრა და განაცხადა, რომ კასილასი და კიდევ რამდენიმე მოთამაშე იყვნენ ისინი, ვინც გუნდის გასახდელში სიტუაციას აკონტროლებდნენ და ოპტიმალურ ატმოსფეროს ქმნიდნენ.
“მადრიდულ გუნდში 2005 წელს მივედი, კარლოსი მარცხენა პოზიციაზე იდგა, რამოსი ცენტრალური მცველის ადგილზე დგებოდა, ხოლო მე მარჯვენა მცველი ვიყავი. სალგადო მესამე ფეხბურთელი იყო, რომელიც უკანა ხაზის ცენტრში თამაშობდა. მას შეტევებში წასვლაც ევალებოდა ხოლმე.”
“კაპიტანი რაული იყო და მაშინ იკერს შეეძლო ვიცე-კაპიტნობა, მაგრამ ეს სტატუსი მან ნახსენებ სალგადოს გადასცა. სწორედ ეს ორი, ასევე, რაული, გუტი და კიდევ რამდენიმე იყვნენ ისინი, ვინც გასახდელში სიტუაციას აკონტროლებდნენ. ისინი გუნდში დადებით ატმოსფეროს შექმნაში დიდ როლს ასრულებდნენ. ეს სპორტსმენები გუნდის სული და გული იყვნენ და მათ გულშემატკივარმა მუდამ პატივი უნდა სცეს,” – განაცხადა 36 წლის ვეტერანმა.
