სნეიდერი: “არა მგონია, რონალდუმ “იუვენტუსს” ჩემპიონთა ლიგა მოაგებინოს”
უესლი სნეიდერი, რომელსაც “ინტერთან” ერთად აქვს მსოფლიოს ყველაზე პრესტიჟული საკლუბო ტურნირი მოგებული, თვლის, რომ რონალდუს ტრანსფერი “იუვენტუსს” ჩემპიონთა ლიგას ვერ მოაგებინებს. ჰოლანდიელ ვეტერანს არგუმენტად აღნიშნულ ტურნირზე უფრო ძლიერი კლუბების არსებობა მოჰყავს.
“არა მგონია, რონალდუმ “იუვენტუსს” ლიგა მოაგებინოს. იცით, ერთ ფეხბურთელს ამდენი არ შეუძლია. მართალია, წარსულში “იუვე” ძალიან კარგად თამაშობდა ამ ტურნირზე, მაგრამ მაინც ვფიქრობ, რომ რონალდუ ამას ვერ შეძლებს.
ჩემპიონთა ლიგაზე უფრო ძლიერი კლუბებიც თამაშობენ. სიმართლე გითხრათ, ძალიან გამიკვირდება “სკუდეტოს” თუ ვერ დაეუფლებიან, მაგრამ ჩემპიონთა ლიგისთვის გაცილებით მეტია საჭირო.
დარწმუნებული ვარ, რომ რონალდუს იტალიაში თამაში არ გაუჭირდება. ის ნამდვილი პროფესიონალია, უსაზღვრო შესაძლებლობების მქონე ფეხბურთელი. ის მალევე შეეგუება ახალ ჩემპიონატს.
რონალდუ იტალიაში დიდ წარმატებებს მიაღწევს. თუმცა, მთავარი განსხვავება მისთვის ის იქნება, რომ აქ ფეხბურთს 1-0-სთვის თამაშობენ. ესპანეთში ყველაფერი სხვაგვარადაა, მთავარი ლამაზი და ტექნიკური თამაშია, სერია ა-ში კი მხოლოდ მოგებაზე არიან ორიენტირებულნი,” – აცხადებს სნეიდერი.
