სპალეტის ულტიმატუმი – კვარა აუცილებლად უნდა დარჩეს!

“ნაპოლის” სპორტული დირექტორი კრისტიან ჯუნტოლი კარიერას ტურინის “იუვენტუსში” გააგრძელებს. პრეზიდენტ დე ლაურენტისს კი შესაძლოა, მთავარი მწვრთნელი, ლუჩანო სპალეტიც დაემშვიდობოს.

იმ შემთხვევაში, თუ “ნაპოლი” ვერ შეძლებს ლიდერების შენარჩუნებას, სპალეტის წასვლა სურს. მას “რომა” და “ტოტენჰემი” იწვევენ.

სპალეტის ესმის, რომ “ნაპოლის” ოსიმენის შენარჩუნება ძალიან გაუჭირდება, თუმცა სულ მცირე, კვარას დატოვებას ითხოვს. ეს საქმე გაცილებით მარტივი იქნება და მოსალოდნელია, რომ ქართველი ზაფხულში კონტრაქტს გაახანგრძლივებს.

“მანჩესტერ იუნაიტედი” სამხრეთ კორეელი ცენტრალური მცველის, კიმის სანაცვლოდ 60 მილიონ ევრომდე იხდის. კიმის “იუნაიტედში” გადასვლაც საკმაოდ აქტიური თემაა. ლაურენტისს ლუჩანოს სხვა სოლიდური მცველის მოყვანას ჰპირდება.