სპექტორი: “ფერგიუსონს პოლ პოგბა უკვე გაყიდული ეყოლებოდა”

“მანჩესტერ იუნაიტედის” ყოფილმა მცველვმა, ჯონათან სპექტორმა, “ოლდ ტრაფორდელთა” ფრანგ ლიდერზე საუბრისას აღნიშნა, რომ ალექს სერ ფერგიუსონს უკვე გაშვებული ეყოლებოდა პოგბა გუნდიდან მისი საქციელების გამო.

“პოლ პოგბა დიდებული ფეხბურთელია, თუმცა მან ერთხელ უკვე დატოვა კლუბი და ახლაც სწორედ ამისკენ მიიწევს. დარწმუნებული არ ვარ, რომ “იუნაიტედს” მისნაირი ფეხბურთელი სჭირდება.

როდესაც თამაში მისდის, ის შესანიშნავია, მარამ ახლა ისე ჩანს, რომ მუდმივად “იუვენტუსში” თუ “რეალში” გადაბარგებაზე ცდილობს და ორი წლის შემდეგ კვლავ სხვა კლუბზე დაიწყებს ფიქრს.

მოკლედ რომ ვთქვა, პოგბა არ არის ის ფეხბურთელი, რომელიც ერთ კლუბში დიდხანს დარჩება. არ მინდა ფერგიუსონის ნაცვლად ლაპარაკი, თუმცა ვფიქრობ, რომ მას პოგბა უკვე გაყიდული ეყოლებოდა,” – აცხადებს ჯოანთანი.