სტარიჯი: “სუარესის წასვლის მიუხედავად, ძლიერ გუნდად დავრჩით”
თარიღი: აგვისტო 17, 2014
“ლივერპულის” თავდამსხმელი დანიელ სტარიჯი მიიჩნევს, რომ ლუის სუარესის წასვლის მიუხედავად, მისი გუნდი კვლავ ძლიერ ძალად დარჩება. ინგლისის პრემიერლიგის სასტარტო ტურში მერსისაიდულმა გუნდმა შინ “საუთჰემპტონი” ანგარიშით 2:1 დაამარცხა, გამარჯვების გოლი კი სწორედ სტარიჯმა გაიტანა.
“სუარესის წასვლის შემდეგ, რა თქმა უნდა, წნეხს ვგრძნობ. მე და ჩემს თანაგუნდელებს მეტი ძალისხმევის გაღება დაგვჭირდა გოლის გასატანად. ვფიქრობ, რომ ამ სეზონშიც ძლიერი ძალა ვიქნებით. სუარესს პატივს ვცემ, ის იდებული ფეხბურთელია და დაგვაკლდება, თუმცა წინსვლას გავაგრძელებთ. დავამტკიცეთ, რომ გოლების გატანა და გამარჯვება შეგვიძლია”, – განაცხადა სტარიჯმა ВВС-ის ეთერში.
პრემიერლიგის II ტურში “ლივერპული” “მანჩესტერ სიტის” ესტუმრება.
მსგავსი სიახლეები