სტივენ ჯერარდის ხუთეული – “ლივერპულის” ლეგენდამ საუკეთესოები დაასახელა (ფოტო)
“ლივერპულის” ლეგენდარულმა კაპიანმა, სტივენ ჯერარდმა ხუთი საუკეთესო ფეხბურთელისაგან გუნდი გააკეთა. ჯერარდის რჩეულებს შორის მსოფლიო ფეხბურთის ვარსკვლავები მოხვდნენ.
ჯანლუიჯი ბუფონი
“ბუფონი, საუკეთესო მეკარე, ვის წინააღმდეგაც მითამაშია.”
პაოლო მალდინი
“ის ჩემთვის მისაბაძი ფეხბურთელი იყო. მცველი, რომელმაც მთელი კარიერა ერთ კლუბში გაატარა და ბევრი თასი მოიგო.”
ზინედინ ზიდანი
“ზიდანს ბევრი რამის გაკეთება შეეძლო. ის ბურთს დიდებულად აკონტროლებდა და ფეხებს ისე იყენებდა, როგორც ხელებს.
რონალდინიო
“ჩემი ფავორიტი “ბარსელონა” რონალდინიოს “ბარსელონაა”. მას საოცარი ორი-სამი წელი ჰქონდა. როცა მის თამაშს ხედავდი, ფიქრობდი: “ჯანდაბა, ამას როგორ აკეთებს?”
ლიონელ მესი
“არსებობენ ფეხბურთელები, რომლებიც ყველასაგან განსხვავებულ დონეზე არიან – მესი და რონალდუ. თუმცა, რონალდუ ჩემ გუნდში ვერ მოხვდება, რადგან ისეთი ფეხბურთელი მჭირდება, რომელიც უფრო გუნდისთვის თამაშობს. რონალდუ, ინდივიდუალურად, ყველაფერს მოიგებს, თუმცა გუნდური მოთამაშე უფრო მესაჭიროება.”
