სუარესი იმედს არ კარგავს
თარიღი: მარტი 7, 2017
“ბარსელონას” თავდამსხმელი ლუის სუარესი იმედოვნებს, რომ მისი გუნდი ჩემპიონთა ლიგის მერვედფინალურ ეტაპზე “პარი სენ-ჟერმენთან” სოლიდურ სხვაობას აღმოფხვრის და მომდევნო ეტაპის საგზურს მოიპოვებს.
“ბრძოლაში დაბრუნება შეგვიძლია. ყველაფერს გავაკეთებთ, რათა ქომაგებმა ის “ბარსელონა” იხილონ, რომელსაც მიჩვეულნი არიან. ამ სიტუაციის გამოსწორება ძალზედ რთული იქნება, მაგრამ შეუძლებელი არაფერია. თუ ვინმეს ამ ვითარების შემოტრიალება შეუძლია, ეს სწორედ “ბარსელონაა”. ჩვენ სიტუაციის შესაცვლელად ყველა საჭირო თვისება გაგვაჩნია”, – ციტირებს სუარესის სიტყვებს “ფრანს ფუტბოლი”.
შეგახსენებთ, რომ წყვილის პირველი მატჩი პარიზელთა გამარჯვებით, ანგარიშით 4:0 დასრულდა. საპასუხო შეხვედრა “ნოუ კამპზე”, 8 მარტს ჩატარდება.
მსგავსი სიახლეები