სუარესი: “მესის ძალიან აწუხებს თოვლი და ცივი ამინდი”

მადრიდის “ატლეტიკოს” ვარსკვლავმა, ლუის სუარესმა, პრესასთან საუბრისას ლეო მესის შესახებ ისაუბრა. როგორც იცით, ლეო და ლუისი ძალიან კარგი მეგობრები არიან და რეგურალურად ეკონტაქტებიან ერთმანეთს.

“ჩვენ ყოველდღიურად ვეკონტაქტებით ერთმანეთს. ყოველთვის ვცდილობთ, რომ მოლოდინებზე არ ვისაუბროთ, რადგან ფეხბურთელებისთვის ეს რთული რამ არის. მატჩებსა და ოჯახებზე ვსაუბრობთ ხოლმე.

მესიმ მითხრა, რომ თოვლი და ცივი ამინდი ძალიან აწუხებს. მას უჭირს სიცივეში, განსაკუთრებით თოვლში თამაში. იქაურ ამინდთან შესაგუებლად დროა საჭირო,” – ვციტირებთ სუარესის სიტყვებს.

როგორც იცით, 34 წლის ლეო მესი ზაფხულში შეუერთდა “პარი სენ-ჟერმენის” რიგებს. ჩემპიონთა ლიგაზე ლეომ სამი გოლის გატანა მოახერხა, ხოლო ლიგა 1-ში მის ანგარიშზე ერთადერთი გოლია დაფიქსირებული.