სუარესი: “რეალმა” ზედიზედ სამი ჩემპიონთა ლიგა მოიგო, რაც ძალიან გვაღიზიანებს”
კატალონიის “ბარსელონას” ურუგვაელი თავდამსხმელი ლუის სუარესი აღიარებს, რომ მადრიდელთა ბოლოდროინდელი წარმატებები ჩემპიონთა ლიგაზე “ბარსელონას” ჩავარდნების ფონზე მათ აბრაზებთ და აღიზიანებთ.
“ჩემპიონთა ლიგაზე არსებული სიტუაცია ჩვენს გაბრაზებას იწვევს. ლა ლიგა ბევრჯერ მოვიგეთ, მაგრამ “რეალს” ჩემპიონთა ლიგის ბოლო სამი გათამაშებიდან სამივე მოგებული აქვს, ეს ისტორიულია და ამავდროულად გამაღიზიანებელი.
ჩემპიონთ ლიგა ძალიან ძლიერი ტურნირია, მისი მოგებისთვის გუნდის ერთობლივი მუშაობაა საჭირო. უსამართლობაა, მხოლოდ მესისგან ელოდო მის მოგებას, მიუხედავად იმისა, თუ რამდენად ნიჭიერია ეს ფეხბურთელი. მათ ჩვენც ვჭირდებით.
მესი ასეთი მოტივირებული აქამდე არასოდეს ყოფილა. დღეს ის ჩვენი კაპიტანია და ძალიან უნდა, ტიტულები ასწიოს. “რეალის” ჩამოწერა არ შეიძლება, მათ ძლიერი ფეხბურთელები და ახალი მწვრთნელი ჰყავთ, ვიცით რა შეუძლიათ,” – აცხადებს ლუის სუარესი.
