სუარესი “სევილიასა” და “ლივერპულის” რადარზე

შესაძლოა, 28 წლის ფეხბურთელმა ფლორენცია დატოვოს.

მოგეხსენებათ, მარიო სუარესი, რომელმაც მადრიდის “ატლეტიკოს” შემადგენლობა გასული ზაფხულის სატრანსფერო ფანჯრის პერიოდში დატოვა, თავის ახალ კლუბში სათამაშო დროის ნაკლებობას უჩივის და ამიტომაც, მოსალოდნელია, რომ ის იანვარში სამუშაო ადგილს კვლავ შეიცვლის.

ადრე ესპანელი ნახევარმცველის შეძენის მთავარ კანდიდატად “ლივერპული” ითვლებოდა. ახლა კი იტალიური მედია იტყობინება, რომ მისით “სევილიაც” დაინტერესდა. “ფიორენტინას” ხელმძღვანელობა მზადაა, როგორც საიჯარო, ისე სრულფასოვანი ტრანსფერის ვარიანტები განიხილოს.

აქვე გეტყვით იმასაც, რომ მიმდინარე სეზონში სუარესმა იტალიელთა მაისურით ჯერჯერობით ექვსი მატჩი ჩაატარა.