სულშერი: “დარწმუნებული ვარ, რომ მომავალ სეზონში უფრო მაღალი დონის მარსიალს ვიხილავთ”
“მანჩესტერ იუნაიტედის” მთავარმა მწვრთნელმა, ოლე-გუნარ სულშერმა, ახალი სეზონის წინ საკუთარ მოლოდინებზე ისაუბრა გუნდის ფრანგი შემტევის, ანტონი მარსიალის, მიმართ.
“ანტონის შეუძლია, რომ მსოფლიო დონის შემტევი გახდეს. წინასასეზონო მზადებისას ის ძალიან კარგად გამოიყურებოდა. თუ ასე გააგრძელებს, ძალიან ბევრის გატანას შეძლებ – კლასი და ნიჭი მას არასოდეს აკლდა.
მისგან ბევრს ველი, ისევე როგორც რაშფორდისგან. ორივე მათგანმა მეტი გოლი უნდა გაიტანოს მომავალ სეზონში. მართალია, ბოლო სეზონები არასახარბიელოდ ჩაატარა, თუმცა დარწმუნებული ვარ, რომ მომავალ სეზონში უფრო მაღალი დონის მარსიალს ვიხილავ,” – აცხადებს სულშერი Sky Sports-თან საუბრისას.
ცნობისთვის გეტყვით, რომ მარსიალს “მანჩესტერ იუნაიტედთან” კონტრაქტი 2024 წლამდე აკავშირებს. გასულ სეზონში კი 23 წლის ფეხბურთელს 38 შეხვედრაში გატანილი 12 გოლი და გაკეთებული სამი საგოლე გადაცემა უგროვდება.
