სულშერი: “პსჟ”? თუ წარმატების მიღწევა გვინდა, ეს საუკეთესო დროა ჩვენთვის”
“მანჩესტერ იუნაიტედის” მთავარმა მწვრთნელმა, ულე-გუნარ სულშერმა, “პარი სენ-ჟერმენთან” გასამართი უმნიშვნელოვანესი მატჩის წინ პრესასთან საკუთარ მოლოდინებზე ისაუბრა.
“უახლოეს შეხვედრებში ძალიან ძლიერი მეტოქეების წინააღმდეგ მოგვიწევს თამაში, თუმცა ახლა მხოლოდ “პარი სენ-ჟერმენზე” ვფიქრობთ. გვინდა, რომ მაქსიმალურად კონცენტრირებულები ვიყოთ ამ შეხვედრაზე.
ფანები, ისევე როგორც ფეხბურთელები, მოუთმენლად ელოდნენ ამ მატჩს. ჩემპიონთა ლიგაზე თამაში განსაკუთრებული რამ არის. მინდა, რომ ბიჭები მოედანზე თვითდაჯერებულები გავიდნენ და წარმატებას მიაღწიონ.
ნებისმიერი გუნდი, რომელსაც მნიშვნელოვანი ფეხბურთელები აკლია, განიცდის გარკვეულ სიცარიელეს, თუმცა ამავდროულად ეს შანსია სხვა ფეხბურთელებისთვის. ამიტომაც, ვთვლი, რომ “პსჟ” არაპროგნოზირებადი იქნება.
ყველაფრის მიუხედავად გარკვეული წარმოდგენები გაგვაჩნია, თუ როგორ ფეხბურთს დაგვიპირისპირებს მეტოქე და ვეცდებით, ყველაფერი გავაკეთოთ სასურველი შედეგის დასადებად. თუ წარმატების მიღწევა გვინდა, ეს საუკეთესო დროა,” – აცხადებს ნორვეგიელი სპეციალისტი.
