სუპერმატჩი “ენფილდზე”! “ლიდსმა” “ლივერპულს” დიდი ბრძოლა გაუმართა (ვიდეო)

2020 წლის 12 სექტემბერს პრემიერ ლიგის 2019/20 წლების სეზონმა აიღო სტარტი. პირველი ტურის მატჩში ინგლისის მოქმედმა ჩემპიონმა, ჩემპიონშიპის გამარჯვებული “ლიდს იუნაიტედი” მიიღო საშინაო კედლებში.

იურგენ კლოპისა და მარსელო ბიელსას გუნდების დაპირისპირება უაღრესად დაძაბული და საინტერესო გამოდგა. ანგარიში შეხვედრის მეოთხე წუთზე მო სალაჰმა გახსნა თერთმეტმეტრიანის მეშვეობით, რასაც ჰარისონის ულამაზესი გოლი მოყვა (12′). მეოცე წუთზე ვან დაიკმა კუთხურიდან გაიტანა. ათ წუთში ბემფორდმა კვლავაც გაათააბრა ანგარიში, რასაც ეგვიპტელი მო სალაჰის მომდევნო გოლი მოყვა – პირველი ტაიმი ანგარიშით 3:2 დასრულდა.

მატჩის მეორე ნახევარი უფრო პრაგმატულად წარიმართა. კლიჩის მიერ 66-ე წუთზე გატანილი გოლის წყალობით “ლიდსმა” ანგარიში მესამედ გაათანაბრა. გადამწყვეტი გოლი კი კვლავაც მო სალაჰმა გაიტანა თამაშის 88-ე წუთზე – 4:3.