უეფას ეგიდით ექიმთა საგანმანათლებლო პროგრამის განახლებული კურსის პირველი ეტაპი ბარსელონაში შედგა. საგანმანათლებლო პროგრამაში საფეხბურთო ნაკრებების ექიმები მონაწილეობდნენ, მათ შორის საქართველოს ეროვნული ნაკრების ექიმი მერაბ ვარძუკაშვილი იყო. კურსის მთავარი თემა პირველადი და გადაუდებელი დახმარების აღმოჩენა, მოედანზე მიღებული ტრავმის სწორად შეფასება და მასზე რეაგირება, ასევე: გულ-ფილტვის რეანიმაცია, თავის ტვინის შერყევისა და კისრის მალების დაზიანების შეფასება და რეაგირება იყო. კურსის მთავარი მიზანი არამარტო ეროვნული ნაკრებების ექიმების კვალიფიკაციის ამაღლება,არამედ ეროვნული ასოციაციებისა და მისი სუბიექტების ექიმებისათვის ამ ცოდნის გადაცემის უზრულნველყოფაა.
საქართველოს ფეხბურთის ფედერაციამ აღნიშნული კურსის საქართველოში ჩატარების ლიცენზია მოიპოვა და უახლოეს მომავალში ქართულ ფეხბურთში მომუშავე ექიმებისთვის სპეციალური სემინარი შედგება. ბარსელონამ მიმდინარე თვეში ფიფას სემინარის მასპინძელიც იყო. კურსი სახელწოდებით “საფეხბურთო მედიცინის მომავალი” 3 დღეს გაგრძელდა და მასში საფეხბურთოს სფეროს გამოცდილი ექიმები მონაწილეობდნენ. საქართველოს სემინარზე ეროვნული ნაკრების ფიზ. მომზადების მწვრთნელი რომან შვანტნერი,სფფ-ის სამედიცინო სამსახურის კოორდინატორი ზაზა თელია და ეროვნული ნაკრების ექიმი მერაბ ვარძუკაშვილი წარმოადგენდნენ.
Gff.Ge