ჭდე: დომინიკ სოლანკე

“ლივერპულმა” ლონდონის “ჩელსის” ახალგაზრდა თავდამსხმელთან, დომინიკ სოლანკესთან შეთანხმებას მიაღწია და ამიერიდან ის “წითლებისთვის” გაიტანს.

როგორც ცნობილი ხდება, აღნიშნული ტრანსფერი “ენფილდელებს” 3 მილიონი ფუნტი დაუჯდათ.

“ლივერპულის” ოფიციალური ვებ-გვერდი განცხადებაში ვკითხულობთ: “19 წლის ფეხბურთელის ტრანსფერი 2017 წლის 1 ივლისს დასრულდება.

სოლანკეს დებიუტი ლონდონურ კლუბში 2014 წლის ოქტომბერში, ჩემპიონთა ლიგაზე შედგა. “ვიტესში” არენდის წესით თამაშის პერიოდში კი მან ერედივიზიონის 25 მატჩში შვიდი გოლის გატანა შეძლო.

ის საკუთარი ქვეყნის ნაკრებს ყველა ასაკობრივ დონეზე ეხმარებოდა და ახლა სამხრეთ კორეაში იმყოფება, სადაც ის 20-წლამდელთა მსოფლიო ჩემპიონატში იღებს მონაწილეობას.”