კრიშტიანუ რონალდუს ყოფილი თანაგუნდელი, ჰუგო ალმეიდა თვლის, რომ ოქროს ბურთის წლევანდელ პრიზს სწორედ პორტუგალიელი სუპერვარსკვლავი იმსახურებს იმ ყველაფრისთვის, რაც მან 2017 წელს გააკეთა.
“რა თქმა უნდა, ოქროს ბურთს წელსაც რონალდუ მოიგებს – მან ლა ლიგისა და ჩემპიონთა ლიგის მოგება მოახერხა, სხვას რას ითხოვთ?
ჩემპიონთა ლიგის ფინალურ ეტაპზე მან 10 გოლის გატანა შეძლო ევროპის უდიდესი კლუბების წინააღმდეგ – “იუვენტუსი”, “ატლეტიკო” და “ბაიერნი”.
ეჭვიც არ მეპარება, რომ ამ ტიტულს სწორედ ის მოიგებს. ის მსოფლიოში საუკეთესოა, ნამდვილი მანქანაა,” – აცხადებს პორტუგალიელი ფეხბურთელი.
ცნობისთვის გეტყვით, რომ რონალდუმ გასულ სეზონში, საერთო ჯამში 42 გოლის გატანა შეძლო (რომელთაგან 12 ჩემპიონთა ლიგაზე მოდის), მესიმ კი 54-ჯერ დალაშქრა მეტოქეთა კარი.